Şirkətimiz ixrac əməliyyatları sahəsində sənədləşmə və koordinasiya işlərini idarə edəcək İxrac Əməliyyatları üzrə Mütəxəssis axtarır. Namizəddən SAP sistemi, beynəlxalq ticarət sənədləri və maliyyə alətləri üzrə praktik biliklərə sahib olması gözlənilir.
Vəzifə öhdəlikləri
- İxrac əməliyyatları çərçivəsində müqavilələrin, əlavələrin, invoysların və digər müşayiətedici sənədlərin hazırlanması, yoxlanılması və qeydiyyatı;
- Sənəd dövriyyəsinin koordinasiyası və müvafiq sənədlərin daxili və xarici qurumlara vaxtında çatdırılmasının təmin edilməsi;
- Ödəniş sənədlərinin, bank təminatlarının, akkreditivlərin və digər maliyyə sənədlərinin uçotunun aparılması, icra vəziyyətinin izlənməsi və aidiyyəti tərəflərlə koordinasiyanın qurulması;
- SAP sistemində satış sifarişləri, müqavilələr və ixrac əməliyyatlarına dair məlumatların daxil edilməsi və idarə olunması;
- Müştəri sifarişlərinin icrası zamanı əməliyyatların SAP sistemində düzgün və vaxtında əks olunmasına nəzarətin həyata keçirilməsi;
- Sifarişlərin, ödənişlərin, yükləmələrin və sənədləşmə proseslərinin icra vəziyyətinin izlənməsi və müvafiq hesabatların hazırlanması.
Tələblər
- İqtisadiyyat, Biznesin idarə edilməsi, Maliyyə, Marketinq, Logistika və ya oxşar ixtisas üzrə ali təhsil;
- Satış, ixrac əməliyyatları, beynəlxalq ticarət və ya maliyyə sahələrindən birində minimum 2 il iş təcrübəsi;
- Azərbaycan, ingilis və rus dillərini sərbəst səviyyədə bilmək;
- SAP ERP sistemi üzrə bilik (üstünlük sayılır);
- CRM və ERP sistemlərində işləmək bacarığı;
- İxrac sənədləri, müqavilələr və logistika prosesləri haqqında biliklər;
- Akkreditivlər (L/C), bank təminatları və beynəlxalq ticarət sənədləri ilə iş təcrübəsi üstünlük sayılır;
- MS Office, xüsusilə Excel proqramında yüksək səviyyədə işləmək bacarığı.
Şəxsi keyfiyyətlər
- Analitik düşünmə və operativ qərar qəbul etmə bacarığı;
- Güclü koordinasiya və ünsiyyət bacarıqları;
- Detallara diqqət və yüksək məsuliyyət hissi;
- Planlaşdırma və təşkilatçılıq qabiliyyəti;
- Komandada işləməyə meyillilik.
İş şəraiti
- Vakansiya növü: Tam ştat;
- Nahar təminatı;
- Rəqabətli əmək haqqı.
Vakansiya aktiv deyil, son elanlara aşağıdan keçid edin
