Bakı şəhərində fəaliyyət göstərən şirkət kamera nəzarəti üzrə mütəxəssis vəzifəsi üçün namizəd axtarışındadır. Bu vakansiya çərçivəsində seçilən şəxs filiallarda baş verən gündəlik prosesləri kameralar vasitəsilə izləyəcək, müşahidə nəticələrini qeydə alacaq və müvafiq hesabatları hazırlayacaq.
Tələblər:
- Ali təhsil
- MS Office proqramları üzrə bilik (Word, Excel, Outlook, PowerPoint)
- Analoji sahədə iş təcrübəsinin olması üstünlükdür
- Detallara qarşı diqqətli yanaşma
- Yüksək müşahidə bacarığı, analitik təfəkkür və məsuliyyət hissi
- Güclü ünsiyyət bacarıqları
- Komanda daxilində dinamik iş rejiminə uyğunlaşma qabiliyyəti
Vəzifə öhdəlikləri:
- Filiallarda baş verən fəaliyyəti kameralar vasitəsilə müşahidə etmək və müvafiq qeydləri aparmaq
- Daxili qaydaların pozulması hallarını və şübhəli vəziyyətləri müəyyənləşdirmək, bu barədə ətraflı araşdırma aparıb məlumatı qeydə almaq və rəhbərliyə çatdırmaq
- Kamera sisteminin fasiləsiz işini izləmək və hər hansı nasazlıq aşkarlandıqda texniki komandaya bildiriş vermək
- İşçilərin daxili qaydalara riayət etməsini izləmək və intizam pozuntularını qeydə almaq
- Monitorinq nəticələri əsasında hesabatlar hazırlamaq və təqdim etmək
İş şəraiti:
- 6 günlük iş qrafiki
- İş yeri: Bakı şəhəri
- Əmək haqqı namizədin bilik və bacarıq səviyyəsinə uyğun müəyyən ediləcək
Vakansiyaya müraciət etmək üçün CV-nizi mövzu hissəsində “Kamera nəzarəti üzrə mütəxəssis” qeyd etməklə “Müraciət et” düyməsində göstərilən elektron ünvana göndərməyiniz xahiş olunur. Yalnız tələblərə uyğun namizədlərlə əlaqə saxlanılacaq.
