Qafqaz Konserv Zavodu MMC istehsal və logistika imkanları geniş olan, insan resurslarına önəm verən müəssisə olaraq komandasını gücləndirmək üçün Keyfiyyət inspektoru vəzifəsi üzrə peşəkar namizədləri işə dəvət edir.
Tələblər
- Ali təhsil (Sənaye mühəndisliyi, Kimya mühəndisliyi, Qida mühəndisliyi və ya Maşınqayırma mühəndisliyi ixtisasları üzrə).
- Keyfiyyətə nəzarət, prosesə nəzarət və istehsalat sahəsində minimum 1-2 il iş təcrübəsi arzuolunandır.
- ISO 9001 və əlaqəli standartlar üzrə bilik.
- MS Office proqramlarından istifadə bacarığı.
- Laboratoriya avadanlıqları və analiz metodları üzrə yaxşı bilik.
- Nümunə götürmə qaydaları və analiz tezlikləri barədə məlumatlı olmaq.
- Reaktivlər və laborator analiz prosedurları üzrə biliklərə sahib olmaq.
- Ring testlərin icrası və nəticələrin qiymətləndirilməsi bacarığı.
- Məhsulun qablaşdırılması və markalanması qaydaları barədə məlumat.
- Degustasiya və sensor analiz sahəsində təcrübə.
Vəzifə öhdəlikləri
- Platforma anbarlarına və mərkəzi paylama anbarlarına daxil olan bütün xammal və hazır məhsullar üzrə keyfiyyətə nəzarət analizlərini aparmaq, məhsul kartlarına uyğun olan məhsulların qəbulunu təmin etmək.
- Müəyyən olunmuş standartlara əsasən nəzarət nöqtələrindən nümunələr götürmək, fiziki, sensor və cihaz vasitəsilə yoxlamalar aparmaq və məhsul göstəricilərinin məhsul kartına uyğunluğunu yoxlamaq.
- Məhsul qəbul edilmiş standartlara cavab verdiyi halda bu barədə qəbul bölməsini məlumatlandırmaq.
- Qablaşdırma, qutulama və paletləmə mərhələlərini hər saat müəyyən edilmiş standartlara uyğun şəkildə yoxlamaq, nəticələri qeyd etmək və tələb olunan intervallarla hesabat təqdim etmək.
- Etiket məlumatlarının, qablaşdırma materiallarının, qutudakı məhsul sayının və çəki göstəricilərinin düzgünlüyünü yoxlamaq.
- Standartdan kənar hallarda istehsal prosesini dayandırmaq və məsələ ilə bağlı İstehsalat müdirinə məlumat vermək.
- Yetişmə və soyuducu anbar sahələrində prosesə uyğun temperatur və rütubət göstəricilərini ölçmək və qeydə almaq.
- Qida təhlükəsizliyi və keyfiyyət idarəetmə sisteminin tələblərinə uyğun fəaliyyət göstərmək.
- Sanitar-gigiyena qaydalarına və fərdi qoruyucu vasitələrdən istifadə tələblərinə əməl olunmasına nəzarət etmək.
- İşçi sağlamlığı, əməyin təhlükəsizliyi, sanitariya və ekologiya qaydalarına riayət edilməsini təmin etmək.
İş şərtləri
- İş yeri: Bölgə (Xaçmaz / Qazax).
- İş rejimi: 5 günlük, 09:00-18:00.
- Nahar şirkət tərəfindən qarşılanır.
Vakansiya aktiv deyil, son elanlara aşağıdan keçid edin
