Balaxanı Sənaye Parkında fəaliyyət göstərən unlu məmulatlar istehsalı müəssisəsi keyfiyyət nəzarəti sahəsində çalışacaq məsuliyyətli bir namizəd axtarır. Vakansiya həm kişi, həm də qadın namizədlər üçün açıqdır.
Əsas vəzifə və məsuliyyətlər
- İstehsal xəttində məhsul keyfiyyətinə hər gün müntəzəm nəzarətin aparılması
- Un, yağ, krem və digər xammalların qəbul mərhələsində həm vizual, həm də sənədlər əsasında yoxlanılması
- Hazır məhsulların çəki, görünüş və qablaşdırma baxımından müəyyən edilmiş standartlara cavab verib-vermədiyinin müəyyənləşdirilməsi
- İstehsalat sahəsində sanitariya və gigiyena normalarına əməl olunmasına nəzarət edilməsi
- Soyuducu sahələrdə (+4°C) və dondurucu anbarlarda (-18°C) temperatur rejimlərinin izlənilməsi
- Dondurucu anbarda FIFO (First In First Out) prinsipinin tətbiqinə nəzarət edilməsi
- Məhsulların anbarda düzgün qaydada yerləşdirilməsinin və saxlanma şərtlərinə riayət olunmasının təmin edilməsi
- Köhnə məhsulların önə çıxarılaraq vaxtında istifadəyə verilməsinin təşkili
- Depo və istehsalat sahələri üzrə hazırlanmış təmizlik və dezinfeksiya planlarının icrasına nəzarət edilməsi
- Gündəlik temperatur göstəricilərinin və yoxlama cədvəllərinin müvafiq formalara daxil edilməsi
- Aşkar edilən uyğunsuzluqların qeydə alınaraq rəhbərliyə operativ şəkildə çatdırılması
- Keyfiyyət idarəetməsi və qida təhlükəsizliyi tələblərinə daim riayət olunmasının təmin edilməsi
Namizədə olan tələblər
- Qida mühəndisliyi, texnologiya və ya müvafiq istiqamət üzrə ali təhsil (arzu edilən şərt)
- Qida istehsalı sektorunda, xüsusilə unlu məmulatlar sahəsində ən azı 1 illik iş təcrübəsi
- HACCP, ISO 22000 və digər qida təhlükəsizliyi standartları barədə bilik (arzu edilən şərt)
- Temperatur idarəetməsi və məhsul saxlama qaydaları sahəsində praktiki biliyə malik olmaq
- Yüksək diqqət, məsuliyyət hissi və sürətli reaksiya qabiliyyəti
- Komanda mühitinə uyum sağlamaq və birgə işləmək bacarığı
İş şəraiti və təklif olunanlar
- İş rejimi: həftədə 6 iş günü (6-cı gün saat 14:00-a qədər)
- İş yeri: Azərbaycan, Bakı, Balaxanı Sənaye Parkı
- Koroğlu metro stansiyasından işçilər üçün servis nəqliyyatı təmin edilir
- İlk 2 aylıq sınaq dövrü ərzində aylıq əmək haqqı — 700 AZN (net)
- Sınaq müddətinin uğurla başa çatmasından sonra əmək haqqında artım nəzərdə tutulur
Vakansiya aktiv deyil, son elanlara aşağıdan keçid edin
