Kibertəhlükəsizlik üzrə Kiçik Analitik

Bu vəzifə şirkətin informasiya təhlükəsizliyi əməliyyatları mərkəzində (SOC) fəaliyyət göstərəcək, müvafiq sistemlər vasitəsilə təhlükəsizlik hadisələrini izləyəcək, ilkin analiz aparacaq və insidentlərin idarə olunması proseslərinə töhfə verəcək mütəxəssisə yönəldir.

Vəzifə Öhdəlikləri

• Şirkətin informasiya təhlükəsizliyi nəzarət mexanizmləri, prosedurları və insidentlərin idarəetmə sxemləri çərçivəsində SOC əməliyyatlarını həyata keçirmək;
• SIEM, XDR, SOAR, NDR, IDS/IPS və sair təhlükəsizlik platformalarında qeydə alınan hadisə və xəbərdarlıqları müntəzəm izləmək, ilkin qiymətləndirmə aparmaq, insidentlərin araşdırılmasına qoşulmaq və nəticələrə əsasən lazımi eskalasiya tədbirlərini görmək;
• Aşkar edilən təhlükəsizlik hadisələrini sistemli şəkildə təhlil etmək, insidentlərin qarşısının alınması və potensial zərərin minimuma endirilməsi üçün müvafiq komandalarla birgə koordinasiya işi aparmaq;
• Təhlükəsizlik insidentlərinə dair ticket/case-lər açmaq, məlumatları vaxtında yeniləmək, sənədləşməni qaydaya uyğun aparmaq və növbə dəyişimi zamanı məlumat ötürülməsini təmin etmək;
• Fişinq hücumları, şübhəli e-poçt mesajları, zərərli fayllar və digər təhlükə göstəriciləri üzrə ilkin araşdırma işlərini müstəqil şəkildə yerinə yetirmək;
• Sistem loqları və telemetriya məlumatlarının təhlili əsasında potensial təhlükə əlamətlərini, anormal davranışları və kiberhücum cəhdlərini vaxtında aşkar etmək;

Bilik və Bacarıq Tələbləri

• İnformasiya Texnologiyaları, İnformasiya Təhlükəsizliyi, Kompüter Elmləri və ya yaxın bir ixtisas üzrə ali təhsil;
• SOC, informasiya təhlükəsizliyi və ya əlaqədar İT istiqamətlərindən birində ən azı 6 aylıq praktiki iş təcrübəsi;
• Texniki sənədləri oxumaq və yazışma aparmaq üçün kifayət qədər ingilis dili biliyi;
• İnformasiya təhlükəsizliyinin əsas prinsipləri, hücum vektorları və müdafiə yanaşmaları sahəsində nəzəri biliklər;
• Linux və Windows əməliyyat sistemlərinin inzibatçılıq əsasları və təhlükəsizlik konsepsiyaları barədə anlayış;
• PowerShell, Bash və ya Python dillərindən birində baza səviyyədə skriptinq bacarığı;
• TCP/IP, DNS, HTTP/HTTPS, VPN, routing, switching və əsas şəbəkə protokolları üzrə biliklər;
• Təhdid analizi metodları, use-case məntiqi, IDS/IPS, SIEM, XDR, SOAR və NDR həllərinin iş prinsipləri üzrə biliklər;
• Firewall, proxy, endpoint, server və digər mənbələrdən gələn təhlükəsizlik loqlarının oxunması və təhlili bacarığı;
• Təhlükəsizlik insidentlərinin aşkarlanması, ilkin qiymətləndirilməsi, araşdırılması və eskalasiya prosedurları üzrə biliklər;
• MITRE ATT&CK çərçivəsi və Cyber Kill Chain metodologiyası barədə əsas anlayış;
• Kriptoqrafiya sahəsində fundamental biliklər;
• Yazılı və şifahi ünsiyyət qabiliyyəti, insidentlərin düzgün sənədləşdirilməsi və maraqlı tərəflərlə effektiv əməkdaşlıq bacarığı;
• Analitik düşüncə tərzi, detallara yüksək diqqət, prioritetləri düzgün müəyyənləşdirmə və problem həlletmə bacarığı;

Üstünlük Verilən Bilik və Bacarıqlar

• Sistem inzibatçılığı, şəbəkə idarəetməsi, skriptinq və ya proqramlaşdırma sahələrindən birində əməli təcrübənin olması;
• CompTIA Security+, Blue Team Level 1, Splunk, QRadar, Microsoft, Palo Alto və ya digər tanınmış platformalar üzrə peşəkar sertifikatların mövcudluğu;

Şirkətin Təklif Etdikləri

• Növbəli iş rejimi;
• Nahar xərclərinin əməkdaşlar üçün ödənilməsi;
• İllik fəaliyyət göstəricilərinə əsaslanan performans bonusları;
• Korporativ sağlamlıq paketi: VIP könüllü tibbi sığorta və idman mərkəzlərindən güzəştli istifadə imkanı;
• “Learning Hub” platforması vasitəsilə peşəkar inkişaf və təlim resurslarına çıxış;