Backend üzrə kiçik mühəndis-proqramçı vakansiyası üçün namizəd axtarılır.
Struktur bölməsi
Rəqəmsal Mühəndislik departamenti Proqramlaşdırma və rəqəmsal həllər şöbəsi Proqramlaşdırma bölməsi
Vəzifənin funksiyaları
- Avtomatlaşdırılmış sistemlərin texniki dəstəyini təmin etmək, yaranan problemləri aradan qaldırmaq və yenilikləri tətbiq etmək;
- Rəqəmsal mühəndislik sahəsində yeni texnologiya və trendləri izləmək, onları praktikada tətbiq etmək;
- Keyfiyyətli, təhlükəsiz və səmərəli kod yazmaq, kodu test etmək, onun təmizliyinə və optimallığına nəzarət etmək;
- Yeni məhsulların hazırlanmasında iştirak etmək və tətbiq üsullarının müəyyən edilməsinə dəstək vermək;
- Miqyaslana bilən və effektiv sistemlərin dizaynı üçün proqram təminatı memarları ilə sıx əməkdaşlıq etmək;
- Layihələrin vaxtında və texniki tapşırığa uyğun icrasını təmin etmək;
- Bankın istifadəsində olacaq proqram təminatı üzrə kod versiyalarının jurnallarını hazırlamaq və onları manual formada saxlamaq;
- Əmək funksiyalarının yerinə yetirilməsi üçün rəhbərlik tərəfindən verilən şifahi və yazılı göstərişləri, eləcə də mövcud bankdaxili qaydaları icra etmək;
- Şöbənin fəaliyyət nəticələri üzrə hesabatların hazırlanmasında iştirak etmək;
- Rəhbərliyin tapşırıqlarına uyğun olaraq fəaliyyət istiqamətləri üzrə digər işləri yerinə yetirmək;
- Bankın daxili intizam və etik davranış qaydalarına riayət etmək.
Texniki kompetensiyalar
- C# və Go dillərində yüksək səviyyəli arxitektura və kod yazmaq bacarığı;
- Algorithms & Data Structures bilikləri;
- OAuth2, JWT token-lər və API təhlükəsizliyi üzrə təcrübə;
- SQL və NoSQL bazaları ilə iş təcrübəsi;
- Bir neçə sistem, server və mühit arasında istifadəçi identifikasiyası və avtorizasiyası üzrə bilik;
- JavaScript framework-ləri ilə, o cümlədən Angular.js, React.js və ya digər həllərlə tanışlıq;
- Oracle, Postgre və ya digər RDBMS-lərlə təcrübə;
- RESTful API-lərin yaradılması və inteqrasiyası üzrə dərin bilik;
- Git kimi kod versiyalaşdırma sistemləri ilə iş təcrübəsi;
- MVC arxitekturasına bələdlik.
Təcrübə
- Müvafiq sahə üzrə ən azı 1 il iş təcrübəsi tələb olunur.
Təhsil
- Ali təhsil tələb olunur.
Dil bacarığı
- Azərbaycan dili yüksək səviyyədə, ingilis dili yaxşı səviyyədə tələb olunur.
Kompüter bacarıqları
- MS Office proqramlarında yüksək səviyyədə bilik tələb olunur.
Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.
