Bakı şəhərində Kommersiya və marketinq üzrə mütəxəssis vakansiyası açıqdır. Bu vəzifə üzrə satış, marketinq və kommersiya fəaliyyətlərinin planlanması və icrası nəzərdə tutulur.
İş şəraiti
- İşəgötürən: Eden Agro MMC
- Struktur: Kommersiya, Satış və Marketinq departamenti
- Birbaşa rəhbər: Kommersiya, Satış və Marketinq departamentinin rəhbəri
- İş yeri: Bakı şəhəri, Park View Biznes Mərkəzi
- İş qrafiki: 5 günlük iş həftəsi (09:00-18:00)
Eden Agro MMC, Azərşəkər MMC-nin törəmə şirkəti olaraq, müasir aqrotexniki yanaşmalar və yüksək məhsuldarlıq standartları əsasında bitkiçilik və istehsal proseslərini həyata keçirir. Azərşəkər MMC isə ölkənin aparıcı aqrar-sənaye qruplarından biri kimi kənd təsərrüfatı, emal və istehsal sahələrində fəaliyyət göstərir.
Vəzifə öhdəlikləri
- Şirkətin kommersiya və marketinq strategiyasının hazırlanmasında iştirak etmək, strateji və operativ biznes planlarının tərtibinə dəstək vermək.
- Yeni biznes layihələrini idarə etmək, planlaşdırma, icra və nəticələrin izlənilməsini həyata keçirmək.
- Bazarın, rəqiblərin, müştəri tələbatının və iqtisadi mühitin mütəmadi araşdırılmasını aparmaq, rəhbərliyə analitik hesabatlar təqdim etmək.
- Potensial müştəriləri və yeni biznes imkanlarını müəyyənləşdirmək, yerli və xarici tərəfdaşlarla əməkdaşlıq əlaqələri qurmaq və inkişaf etdirmək.
- Müştəri ehtiyaclarına uyğun kommersiya təklifləri, təqdimatlar və təklif paketləri hazırlamaq və təqdim etmək.
- Yeni məhsul və xidmətlərin hazırlanması, bazara çıxarılması və təşviqi üzrə marketinq fəaliyyətlərini planlamaq və koordinasiya etmək.
- Marketinq planlarını hazırlamaq, reklam və təşviqat kampaniyalarının təşkili və icrasını təmin etmək.
- Reklam və media tərəfdaşları ilə əməkdaşlıq qurmaq, təklifləri qiymətləndirmək, müqavilələrin icrasına nəzarət etmək, şirkətin internet saytı və sosial media platformalarının marketinq fəaliyyətlərini koordinasiya etmək.
- Marketinq büdcəsinin səmərəli istifadəsini təmin etmək və xərclərin optimallaşdırılması ilə bağlı təkliflər vermək.
- Məhsul və xidmət satışlarının artırılması üçün yeni satış kanallarını və inkişaf imkanlarını müəyyən etmək.
- Müştəri məmnuniyyətinin və loyallığının artırılması məqsədilə sorğular keçirmək, nəticələri təhlil etmək və təkmilləşdirmə tədbirləri hazırlamaq.
- Görülmüş işlər, bazar vəziyyəti, satış və marketinq fəaliyyəti üzrə həftəlik, aylıq və illik hesabatlar hazırlayıb rəhbərliyə təqdim etmək.
- Biznes proseslərinin təkmilləşdirilməsi, şirkətin korporativ imicinin gücləndirilməsi və kommersiya fəaliyyətinin səmərəliliyinin artırılması ilə bağlı təkliflər vermək.
- Fəaliyyət zamanı aşkar olunan çatışmazlıqlar barədə rəhbərliyi məlumatlandırmaq, onların aradan qaldırılması üçün təkliflər hazırlamaq və aidiyyəti struktur bölmələri ilə səmərəli əməkdaşlıq etmək.
- Əmək, əməyin mühafizəsi, sağlamlıq, təhlükəsizlik və ətraf mühit üzrə daxili qayda və prosedurlara riayət etmək, peşəkar bilik və bacarıqları davamlı inkişaf etdirmək.
Vəzifə tələbləri
- Ali təhsil: Logistika, İqtisadiyyat, Biznesin idarə olunması, Marketinq və ya əlaqəli sahə.
- Müvafiq sahədə ən azı 3 il iş təcrübəsi.
- Marketinq alətləri və strategiyaları üzrə biliklər: SMM, SEO, PPC və s.
- Müştəri münasibətlərinin uzunmüddətli idarə olunması bacarığı.
- Yeni bazarlara çıxış strategiyalarının hazırlanması.
- Sıx deadline-lar şəraitində tapşırıqları vaxtında və keyfiyyətli yerinə yetirmək bacarığı.
- Sərbəst araşdırma qabiliyyəti, komandada işləmək bacarığı, məsuliyyətlilik, məxfilik prinsiplərinə riayət, dəqiqlik və proaktivlik.
- Azərbaycan dili səlis, ingilis dili səlis, rus dili yaxşı.
- 1C / ERP və MS Office proqramlarını sərbəst istifadəçi səviyyəsində bilmək.
Biz təklif edirik
- Rəqabətli əməkhaqqı və performansa əsaslanan bonus sistemi.
- Peşəkar və liderlik inkişaf proqramları.
- Beynəlxalq və yerli təlimlərdə iştirak imkanı.
- Karyera yüksəlişi və qrup daxilində rotasiya imkanları.
- Böyük miqyaslı aqrar-sənaye layihələrində iştirak imkanı.
- Dinamik və strateji idarəetmə mühitində çalışma fürsəti.
- Qrupdaxili xüsusi güzəştlərdən istifadə imkanı.
Müraciət qaydası
Göstərilən tələblərə uyğun namizədlərdən xahiş olunur ki, CV-lərini mövzu hissəsində “Kommersiya və marketinq üzrə mütəxəssis” qeyd etməklə Müraciət et düyməsində göstərilən elektron ünvanına göndərsinlər.
