Kontent menecer

Bakıda kontent menecer vakansiyası üzrə peşəkar namizəd axtarılır. Məzmun strategiyası, SEO mətnləri və sosial media kontenti ilə işləyə bilən mütəxəssislər müraciət edə bilər.

Vəzifələr və məsuliyyətlər

• Şirkətin məqsədlərinə və hədəf auditoriyasına uyğun məzmun strategiyasını, o cümlədən format və yayım kanallarını hazırlamaq və icra etmək;
• Bloq yazıları, məqalələr, sosial media paylaşımları, videolar, infoqrafikalar və digər formatlarda keyfiyyətli və cəlbedici məzmun yaratmaq;
• Məzmun fayllarının yaradılması, təsnifatı və saxlanmasına nəzarət etmək, məlumatların aktual və dəqiq qalmasını təmin etmək;
• Daxili maraqlı tərəflər üçün layihə və ya kampaniyaların, eləcə də video və audio production işlərinin vaxtında və düzgün icrasına nəzarət etmək;
• Digər şöbələr və ya heyətlərlə sıx əməkdaşlıq etmək;
• SMM komandası və dizaynerlə tapşırıqları koordinasiya etmək;
• Kontent çəkilişinə nəzarət etmək, o cümlədən TVC, sosial media postu, reel video, tiktok və digər formatlar üzrə prosesi izləmək;
• Sayt üçün SEO uyğun mətnlərin hazırlanmasına nəzarət etmək;
• SEO-optimallaşdırma çərçivəsində meta-teqlərlə, o cümlədən title, description və keywords ilə işləmək.

Tələb edilən bacarıqlar və təhsil

• Marketinq, media və ya uyğun sahə üzrə ali təhsil;
• Marketinq kommunikasiyası ilə bağlı şirkətdə kontent menecer, kopirayter və ya oxşar vəzifədə minimum 3 il iş təcrübəsi;
• Video kontent və ya blog üzrə portfolio arzuolunandır;
• Azərbaycan dilinin qrammatikasını yüksək səviyyədə bilmək; rus və ingilis dili əlavə üstünlükdür;
• Təqdimat etmə bacarığı;
• Kiçik yaradıcı mətnlər və geniş məzmun nümunələri hazırlamaq bacarığı;
• Məzmunun cəlbediciliyini qiymətləndirmək üçün analiz qabiliyyəti;
• Yazılı ünsiyyət bacarıqlarının yüksək olması.

İş şəraiti

• Əmək haqqı: 800–1000 AZN;
• İş qrafiki: 5 günlük iş qrafiki;
• İş yeri: H.Əliyev pr.152, Çinar Plaza.

Müraciət qaydası

Müraciət etmək istəyən namizədlərdən xahiş olunur ki, CV-lərini mövzu hissəsində “Kontent menecer” qeyd etməklə Müraciət et düyməsində göstərilən elektron poçt ünvanına göndərsinlər.