Ferrum Capital QSC komandası sosial media kontenti və kreativ məzmun üzrə təcrübəli kontent menecer axtarır.
Şirkət haqqında
Ferrum Capital QSC 2017-ci ildə Azərbaycan Respublikasının ilk müstəqil faktorinq şirkəti kimi yaradılıb və AGA Group şirkətlər ailəsinin üzvü olaraq yerli və xarici şirkətlərə faktorinq və digər maliyyə xidmətləri təqdim edir.
Şirkətin əsas məqsədi ilk iş təcrübəsinə burada başlamaq, peşəkar inkişaf etmək və karyera pillələrində irəliləmək istəyən namizədlər üçün seçilən iş yerlərindən biri olmaqdır.
Komandanın böyük hissəsini gənc və istedadlı əməkdaşlar təşkil edir. Yeni istedadların komandaya cəlb olunması və onların şirkətlə birlikdə inkişaf etməsi prioritetlərdən biridir.
Vəzifə öhdəlikləri
- Instagram, TikTok, Facebook, LinkedIn və digər sosial media platformaları üçün aylıq kontent planının hazırlanması və idarə edilməsi;
- Post, story, reels və digər formatlar üçün kreativ məzmunun hazırlanması;
- Məhsul və ya xidməti aydın, cəlbedici və satış yönümlü şəkildə təqdim edən mətnlərin yazılması;
- Yeniliklərin izlənməsi və yeni strategiyaların tətbiqinə dəstək verilməsi;
- Sosial media hesablarının inkişaf göstəricilərinin izlənməsi, hesabatların hazırlanması və təkmilləşdirmə ilə bağlı təkliflərin verilməsi.
Tələblər
- Sosial media, rəqəmsal marketinq və kontent idarəçiliyi sahəsində təcrübə mütləqdir;
- Kreativ düşüncə və yerli/qlobal sosial media trendlərini daimi izləmək bacarığı;
- Xüsusilə Instagram və TikTok platformalarının iş prinsipləri və alqoritmləri barədə bilik;
- Video çəkiliş və CapCut, Canva kimi proqramlarda montaj bacarığı;
- Azərbaycan dilində səlis yazı və ünsiyyət bacarığı;
- Komandada işləmək, detallara diqqət yetirmək və vaxtı səmərəli idarə etmək bacarığı;
- Namizədin əvvəlki işlərini əks etdirən portfolio mütləqdir.
Vakansiya növü
Tam ştat
Müraciət qaydası
Maraqlanan namizədlər “Müraciət et” düyməsində göstərilən link vasitəsilə müraciət edə bilərlər.
