Kontent menecer/kopirayter vəzifəsi üzrə yaradıcı, dəqiq və brend üslubuna uyğun məzmun hazırlaya biləcək namizəd axtarılır.
Vəzifə öhdəlikləri
- Şirkət layihələri üçün hazırlanan mətnləri yoxlamaq və redaktə etmək, dil, üslub və məna baxımından düzgünlüyünü təmin etmək;
- Sosial media, reklam kampaniyaları, veb-sayt, təqdimatlar və digər kommunikasiya kanalları üçün mətnlər hazırlamaq;
- Sosial media paylaşımları, Reels və digər video formatlar üçün kontent ideyaları və ssenarilər hazırlamaq;
- Layihələrin kommunikasiya strategiyasına və brend üslubuna uyğun kontentin hazırlanmasını təmin etmək;
- Kontent planı hazırlamaq və plana uyğun materialların vaxtında paylaşılmasına nəzarət etmək;
- Hazırlanmış kontent və ssenarilər əsasında foto və video çəkilişləri planlaşdırmaq və koordinasiya etmək;
- Çəkilişlər üçün texniki tapşırıqlar, ssenarilər, kadr planları və digər zəruri materialları hazırlamaq;
- Fotoqraf, videoqraf, prodakşn komandası, modellər və digər çəkiliş iştirakçıları ilə işin koordinasiyasını aparmaq;
- Çəkiliş zamanı materialların təsdiq edilmiş ssenariyə və kontent konsepsiyasına uyğunluğuna nəzarət etmək;
- Çəkiliş nəticəsində əldə olunan foto və video materialları ilkin yoxlamaq, uyğun materialları seçmək və zəruri düzəlişləri bildirmək;
- Video materialların montajdan sonrakı versiyalarını mətn, kadr ardıcıllığı və ümumi kommunikasiya baxımından yoxlamaq;
- Reklam materiallarında istifadə olunan başlıqları, sloqanları və digər mətnləri hazırlamaq və redaktə etmək;
- Kontentin Azərbaycan dilində qrammatik, leksik və üslubi baxımdan düzgünlüyünü təmin etmək;
- Bütün kommunikasiya materiallarında vahid brend dilinin və üslubunun qorunmasına nəzarət etmək;
- Qrafik dizayner, rəqəmsal komanda, targetoloq və digər aidiyyəti əməkdaşlarla koordinasiyalı şəkildə işləyərək kontentin vaxtında və müəyyən edilmiş standartlara uyğun hazırlanmasını təmin etmək;
- Kontent və çəkilişlər üzrə müəyyən edilmiş son tarixlərə nəzarət etmək və işlərin vaxtında tamamlanmasını təmin etmək.
İş şəraiti
- Bakı şəhəri;
- 5 günlük iş həftəsi (09:00 – 18:00);
- Əmək haqqı: 1200-1500 AZN (namizədin bilik, bacarıq və təcrübəsinə əsasən müəyyən edilir).
Namizədə dair tələblər
- Ali təhsil;
- Kontent yaradılması və kopiraytinq sahəsində minimum 1 il iş təcrübəsi;
- Azərbaycan dilini mükəmməl səviyyədə bilmək, yüksək yazılı nitq və redaktə bacarığı;
- Kreativ düşüncə və müxtəlif formatlar üçün kontent ideyaları hazırlamaq bacarığı;
- Sosial media platformaları və müasir kontent formatları haqqında bilik;
- Komanda və podratçılarla effektiv kommunikasiya və koordinasiya bacarığı;
- Eyni zamanda bir neçə layihə üzrə işləmək, prioritetləri düzgün müəyyənləşdirmək və son tarixlərə riayət etmək bacarığı;
- Detallara diqqət və yüksək məsuliyyət.
Müraciət qaydası
Göstərilən tələblərə cavab verən namizədlərdən CV-lərini Subject/Mövzu hissəsində “Kontent menecer/ Kopirayter” qeyd edərək Müraciət et düyməsində göstərilən elektron poçt ünvanına göndərmələri xahiş olunur.
