Korporativ kommunikasiyalar üzrə mütəxəssis (qrafik motion dizayner)

Veyseloglu Group of Companies Bakı üzrə korporativ kommunikasiyalar üzrə mütəxəssis (qrafik motion dizayner) vakansiyası təqdim edir. Qrafik dizayn, motion dizayn və korporativ kommunikasiya sahəsində təcrübəsi olan namizədlər müraciət edə bilər.

Namizədə tələblər

• Müvafiq sahədə ən azı 2 il iş təcrübəsi;
• Adobe Photoshop, Illustrator, After Effects və Premiere Pro proqramlarında sərbəst işləmək bacarığı;
• Qrafik motion dizayner kimi iş təcrübəsi üstünlük sayılır;
• Süni intellekt (AI) əsaslı dizayn və video alətlərindən istifadə bacarığı;
• Çap materialları və onların istehsalının texniki tələbləri barədə biliklər;
• Azərbaycan dilində yazılı və şifahi ünsiyyətin yüksək səviyyədə olması, rus və ingilis dillərini bilmək üstünlükdür;
• Yaradıcı yanaşma, yüksək vizual zövq və detallara diqqət.

Vəzifə öhdəlikləri

• Şirkətin daxili və xarici kommunikasiya strategiyasına uyğun olaraq korporativ kommunikasiya kanallarının fəaliyyətini və aylıq kontent planlarını hazırlamaq, icrasını koordinasiya etmək;
• Fərqli kommunikasiya kanallarının xüsusiyyətlərinə və hədəf auditoriyaya uyğun yaradıcı mətn, vizual və qısa video məzmun hazırlamaq;
• Korporativ elanlar, məlumatlandırıcı materiallar, kampaniyalar və xüsusi günlər üçün vizual konsepsiyalar hazırlamaq;
• Animasiya, infoqrafika, dinamik təqdimat, video keçidlər, titrlər və digər motion dizayn materialları hazırlamaq;
• Qısa videoların montajını aparmaq, rəng və səs korreksiyası etmək, subtitr və qrafik elementlər əlavə etmək;
• Korporativ tədbirlər, daxili layihələr və kommunikasiya kampaniyaları üçün yaradıcı konsepsiyalar formalaşdırmaq, bu konsepsiyalara uyğun rəqəmsal və çap vizualları hazırlamaq;
• Broşür, buklet, kataloq, poster, banner, roll-up, təqdimat, dəvət kartı, sertifikat, məlumat lövhəsi və digər promo materialların dizaynını hazırlamaq;
• Çap materiallarını texniki tələblərə uyğun istehsala hazırlamaq, rəng, ölçü, format və keyfiyyət göstəricilərini yoxlamaq;
• Bütün vizual materiallarda brend kitabçasının tələblərinə, o cümlədən loqo, korporativ rəng, tipoqrafiya, foto və illüstrasiya üslubuna uyğunluğu təmin etmək;
• Məhsulun təsdiqlənmiş dizayna və brend kitabçasına uyğunluğunu yoxlamaq;
• Müasir qrafik və motion dizayn, video və rəqəmsal kommunikasiya trendlərini izləyərək innovativ həllər təklif etmək;
• Süni intellekt (AI) alətlərindən istifadə etməklə kommunikasiya materiallarının hazırlanması prosesini optimallaşdırmaq və yaradıcı həllər təqdim etmək.

İş şərtləri

• İş məkanı: Azure Plaza
• Əmək haqqı: Namizədin bilik və təcrübəsinə əsasən razılaşma yolu ilə
• İş rejimi: 5 gün, həftəiçi
• Nahar: Təmin edilir
• Servis xidməti: Mövcuddur

Müraciət qaydası

Karyerasını bizimlə davam etdirmək istəyən namizədlər CV-lərini mövzu hissəsində “Korporativ Kommunikasiyalar üzrə Mütəxəssis” qeyd etməklə, Müraciət et düyməsində göstərilən elektron poçt ünvanına göndərə bilərlər.