Süd və süd məhsulları istehsalında keyfiyyətə nəzarətin təmin edilməsi üçün Laborant vəzifəsi üzrə vakansiya mövcuddur. Vəzifə xammal, yarımfabrikat və hazır məhsullardan nümunələrin götürülməsi, fiziki-kimyəvi və mikrobioloji göstəricilərin yoxlanılması, nəticələrin qeydiyyatı və sənədləşdirilməsi işlərini əhatə edir.
Əsas vəzifə öhdəlikləri
- İstehsal prosesinin bütün mərhələlərində (xammal, yarımfabrikat, hazır məhsul) nümunələr götürmək, keyfiyyət göstəricilərini (fiziki-kimyəvi və mikrobioloji) yoxlamaq və nəticələri sənədləşdirmək;
- Uyğunsuzluq halları aşkar edildikdə rəhbərliyi məlumatlandırmaq və müvafiq aktların tərtib edilməsində iştirak etmək;
- Sınaq nəticələrinin qeydiyyatını jurnal və/və ya elektron formatda aparmaq, hesabatlar hazırlamaq;
- Laboratoriya avadanlıqlarından düzgün və təhlükəsiz istifadəni təmin etmək;
- Müəssisəyə daxil olan xammal, köməkçi və qablaşdırma materialları üzrə giriş nəzarətini həyata keçirmək;
- Xammal, qablaşdırma materialları və köməkçi vasitələrin keyfiyyət yoxlanılması üçün normativ-texniki tələblərə uyğun nümunə götürmək və sınaqları icra etmək;
- Əməyin mühafizəsi, qida təhlükəsizliyi, sanitariya və gigiyena norma və qaydalarına riayət etmək.
Namizədə tələblər
- Ali təhsil (qida mühəndisliyi, biologiya və ya kimya sahəsi üzrə);
- Xanım namizədlərə üstünlük verilir;
- Minimum 1 il laboratoriya təcrübəsi (qida və süd məhsulları sahəsində təcrübə üstünlükdür);
- Laboratoriya avadanlıqları ilə işləmə bacarığı.
İş şəraiti
- İş qrafiki: 6 gün;
- Əmək haqqı: 650 AZN;
- Nahar şirkət tərəfindən təmin edilir;
- Ünvan: Bakı şəhəri, Binəqədi yolu 100.
