Lift üzrə elektrik mühəndisi

Bakıda lift üzrə elektrik mühəndisi vakansiyası üçün müvafiq təcrübəyə və texniki biliklərə malik namizədlər axtarılır. Lift və eskalator sistemləri ilə işləmək istəyən, dəqiq və məsuliyyətli peşəkarlar müraciət edə bilər.

Tələblər

• Elektrik mühəndisliyi üzrə ali təhsil: bakalavr və ya magistr dərəcəsi.
• Bu sahədə minimum 1-3 il iş təcrübəsi.
• Rus və ingilis dili biliyi mütləqdir, oxumaq və fikrini ifadə etmək səviyyəsində.
• Alət və avadanlıqlarla işləmə bacarığı.
• Verilən tapşırığı müstəqil araşdırmaq qabiliyyəti.
• Yarımstansiyaların paylayıcı qurğularının ümumi quruluşunu və birxəttli sxemlərini analiz etmək bacarığı.
• Paylayıcı qurğuların ayrı-ayrı elementlərinin funksiyaları barədə ümumi məlumatın olması: açar, ayırıcı, ölçü transformatorları, rele mühafizə və s.
• Normativ və texniki sənədlərlə işləmək bacarığı.

Namizədə dair şəxsi keyfiyyətlər

• Lift sahəsində gələcək mütəxəssis olmaq istəyən, ali təhsilli namizədlər müraciət edə bilər.
• Lift və eskalatorların motorları və texniki avadanlıqları üzrə bilik və praktiki bacarıqlar.
• AutoCAD biliyi olan namizədlərə üstünlük veriləcək.
• Nizam-intizamlı olmaq və şirkətin ümumi qayda-qanunlarına hörmətlə yanaşaraq icra etmək.
• Fikri aydın izah etmək bacarığı.
• Ezamiyyə imkanının olması.
• Ünsiyyət yaratmaq bacarığı.
• İşə planlı yanaşmaq.
• Fəal olmaq və komandada işləmək bacarığı.

Vəzifə öhdəlikləri

• Əməkhaqqı təhsil, iş stajı, iş bacarığı və digər amillər nəzərə alınmaqla qarşılıqlı razılaşma əsasında müəyyən edilir.
• Elektrik sxemlərini oxumaq və nasazlıqları aradan qaldırmaq.
• Texniki tapşırığa əsasən layihə sənədləri üzərində işləmək və razılaşdırılmış elektrik layihələrini yoxlamaq.
• Lift və eskalatorlar üçün elektrik avadanlıqlarının quraşdırılması və texniki xidmətin həyata keçirilməsi.
• Lift və eskalator ehtiyat hissələrinin araşdırılması və məlumatların məsul şöbəyə ötürülməsi.
• Lift və eskalatorların fasiləsiz, texniki cəhətdən düzgün istismarını və saz vəziyyətdə saxlanılmasını təmin etmək.
• İcra olunan işlərin qeydiyyatını aparmaq və hesabatları təqdim etmək.
• Bütün avadanlıqlar üzrə profilaktik işlərin vaxtında təşkilinə nəzarət etmək.
• Layihə həyata keçirilən ərazilərə baxış keçirmək və iş proseslərini izləmək.
• Elektrik işlərinin normativ qaydalara uyğun və düzgün aparılmasına nəzarət etmək.
• Layihələrin icrası zamanı qüvvədə olan standartlara və digər texniki-normativ sənədlərin tələblərinə riayət olunmasına nəzarət etmək.
• Aparılan elektrik quraşdırma işlərinə nəzarət etmək.
• Lift və eskalator sistemlərində yaranan nasazlıqların aradan qaldırılması üçün vaxtında müdaxilə etmək.

Maaş

800-1200 AZN

Müraciət qaydası

Vəzifəyə aidiyyəti olmayan şəxslərin qeydiyyata alınmayacağı nəzərə alınmalıdır. Müraciət etmək üçün mövzu hissəsində “Elektrik mühəndisi” yazaraq Müraciət et düyməsində göstərilən elektron poçt ünvanına göndərin.