Maliyyə direktoru

Şirkət maliyyə və mühasibatlıq istiqamətində təcrübəsi olan mütəxəssis axtarır. Vəzifə maliyyə planlaşdırılması, büdcə nəzarəti, vergi hesabatları, pul axınının idarə olunması və maliyyə göstəricilərinin təhlili üzrə işlərin həyata keçirilməsini əhatə edir.

Vəzifə öhdəlikləri

• Şirkətin maliyyə planlarını hazırlamaq, gəlir və xərclər üzrə büdcə formalaşdırmaq.
• Büdcə icrasını izləmək, nəticələri təhlil etmək və müəyyən olunmuş hədəflərə uyğunluğu təmin etmək.
• Gəlir, xərc, mənfəət və zərər göstəriciləri üzrə aylıq, rüblük və illik maliyyə hesabatlarını tərtib etmək.
• Maliyyə nəticələrini analiz etmək və rəhbərliyə müvafiq hesabat təqdim etmək.
• Pul vəsaitlərinin hərəkətini səmərəli şəkildə idarə etmək və likvidlik səviyyəsinə nəzarət etmək.
• Bölmələr üzrə material qalıqlarına nəzarəti həyata keçirmək.
• Mal hərəkətinin uçotunu aparmaq və inventarizasiya prosesinə nəzarət etmək.
• Əsas vəsaitlər üzrə uçota və amortizasiya hesablanmasına nəzarət etmək.
• Şirkətin vergi siyasətinin tənzimlənməsində iştirak etmək və vergi öhdəliklərinin vaxtında icrasını təmin etmək.
• Vergi hesabatlarını hazırlamaq və qanunvericiliyin tələblərinə uyğun qaydada təqdim etmək.
• Vergi qanunvericiliyində baş verən dəyişiklikləri izləmək və uyğun vergi planlaşdırılması aparmaq.
• Vergi optimallaşdırılması istiqamətində uyğun strategiyalar hazırlamaq və tətbiq etmək.
• Audit zamanı aşkar edilən məsələlərin aradan qaldırılması üçün tədbirlər görmək və hesabatlılığı təmin etmək.
• Maliyyə bazarlarını izləmək, iqtisadi şəraitdəki dəyişikliklərə uyğun maliyyə strategiyalarını yeniləmək.
• Yeni maliyyə mənbələrinin cəlb olunması və mövcud kapitalın artırılması üçün təkliflər hazırlamaq.
• Əmək haqlarının hesablanmasına nəzarət etmək.
• Sosial vergilərin hesablanmasına nəzarəti təmin etmək.
• Kassa hesabatlarının düzgünlüyünə nəzarət etmək.
• Satış planlamasında iştirak etmək və maya dəyərinin kalkulyasiyasını aparmaq.
• Büdcələrin hazırlanmasını təmin etmək.

Namizədə dair tələblər

• Maliyyə, mühasibatlıq və ya iqtisadiyyat ixtisası üzrə ali təhsil.
• Müvafiq sahə və ya oxşar vəzifə üzrə minimum 3 il iş təcrübəsi.
• Mühasibatlıq sahəsi üzrə qüvvədə olan qanunvericiliyi bilmək (Vergi Məcəlləsi, Mülki Məcəllə və Əmək Məcəlləsi).
• Maliyyə vəziyyətini təhlil etmək və yaranan problemlərin həlli istiqamətində qərar vermək bacarığı.
• Rəsmi hesabatların hazırlanması və təqdim edilməsinə dair prosedurlar üzrə bilik.
• Ofis proqramlarında, xüsusilə Excel üzrə yüksək səviyyədə işləmək bacarığı.
• İdarəetmə qabiliyyəti və komanda ilə səmərəli işləmək bacarığı.

İş şəraiti

• Əmək münasibətləri Azərbaycan Respublikası qanunvericiliyinə uyğun şəkildə rəsmiləşdirilir.
• Əmək haqqı qarşılıqlı razılaşma əsasında müəyyən edilir.