STP Global Cable MMC, Maliyyə departamentinin Qiymətləndirmə bölməsi üzrə Mütəxəssis vakansiyası elan edir. Şirkət, STP Şirkətlər Qrupuna daxil olan biznes vahidi olmaqla, kabel və elektrik avadanlıqları istehsalı sahəsində fəaliyyət göstərir. Regionun ən iri istehsalçılarından biri sayılan müəssisənin ümumi qapalı istehsal sahəsi 7 hektardan çoxdur və xarici bazarlarda da geniş müştəri bazası mövcuddur. İş yeri Sumqayıt şəhəri, H.Z.Tağıyev qəsəbəsində yerləşir.
Şirkət haqqında
STP Global Cable MMC-nin tərkibinə kabel zavodu və elektrik avadanlıqları zavodu daxildir. Şirkət həm məhsul çeşidi, həm də istehsal həcmi baxımından bölgənin aparıcı istehsal müəssisələrindən hesab olunur.
Namizədə olan tələblər
- Ali təhsil — iqtisadiyyat, maliyyə və ya oxşar ixtisas üzrə
- Qiymətləndirmə və ya hesabatlılıq sahəsində minimum 3 il iş təcrübəsi
- MS Excel də daxil olmaqla Microsoft Office proqramlarında yüksək səviyyədə işləmə bacarığı
- İngilis və rus dillərini orta səviyyədə bilmək üstünlük sayılır
- Analitik düşüncə tərzi, detallara diqqət və problem həll etmə bacarığı
- Güclü ünsiyyət və təqdimat bacarıqları
Vəzifə öhdəlikləri
- Normativ sənədlər əsasında məhsul və xidmətlər üzrə plan maya dəyəri kalkulyasiyalarının hazırlanması
- Zərurət olduqda layihə-qiymətləndirmə hesabatlarının tərtib edilməsi
- Təsdiq edilmiş mənfəət marjası (mark-up) tətbiq edilməklə topdansatış qiymətlərinin hesablanması və yenilənməsi
- Qiymət cədvəllərinin (Price List) hazırlanması və satış komandası ilə paylaşılması
- Qiymətləndirmə üzrə hesabatların müəyyən edilmiş müddətdə və dəqiq şəkildə hazırlanması
- Daxili hesabatların hazırlanması və təqdimatında iştirak
- Şirkətin daxili prosedur və qaydalarına uyğun fəaliyyət
Şirkətin təklif etdikləri
- Əmək haqqı şirkət daxili dərəcələndirmə sistemi əsasında müəyyən edilir
- Nahar və nəqliyyat (servis) şirkət tərəfindən təmin edilir
- Təlim və peşəki inkişaf sahəsində şirkətin dəstəyi
- İş rejimi: Bazar ertəsi – Cümə, 09:00 – 18:00
Müraciət qaydası
Tələblərə uyğun namizədlər CV-lərini mövzu sətrində “Mütəxəssis” qeyd edərək elanda göstərilən elektron poçt ünvanına və ya stpcareer.com səhifəsi vasitəsilə göndərə bilərlər.
