Sumqayıt şəhərində fəaliyyət göstərən şirkətimiz Satınalma üzrə Mütəxəssis vəzifəsi üzrə vakansiya elan edir. Market sahəsində təcrübəsi olan, satınalma proseslərini peşəkar səviyyədə idarə edə bilən namizədlərin müraciəti nəzərdən keçiriləcəkdir.
Vəzifə öhdəlikləri
- Satınalma sorğularının müəyyən edilmiş prosedur və qaydalara uyğun olaraq vaxtında icra edilməsi
- Mallar üzrə texniki məlumatların toplanması və qiymət araşdırmalarının aparılması
- Daxili bazarda tələb olunan məhsul və xidmətlərin araşdırılması, bazar təhlilinin həyata keçirilməsi
- Ən əlverişli təchizatçı və tədarükçülərin seçilməsi, yazışmaların və danışıqların aparılması, görüşlərin təşkil edilməsi
- Təchizat müqavilələrinin şərtlərinin müəyyənləşdirilməsi, hazırlanması və icrasına nəzarət edilməsi
- Təchizatçı və tədarükçü bazasının formalaşdırılması və müntəzəm qiymətləndirilməsi
- Tədarükçü şirkətlərdən qiymət təkliflərinin alınması, müqayisəli təhlilinin aparılması və optimal variantın rəhbərliyə təqdim edilməsi
- Həyata keçirilən əməliyyatlar üzrə reyestrin aparılması
- Mal və xidmət alışı tamamlandıqdan sonra tədarükçünün qiymətləndirilməsi prosesinin icra edilməsi
- Alınan malların hərəkətinin izlənilməsi və müvafiq sənədləşmənin təşkil edilməsi
- Razılaşdırılmış ticari şərtlərin icrasına nəzarətin həyata keçirilməsi
- Daxili bazar araşdırmalarının aparılması və satış analizlərinin icra edilməsi
- Satınalma sifarişlərinin idarə edilməsi: sifariş analizi, yerləşdirilməsi, nəzarətdə saxlanılması, hesabat hazırlanması və sifarişin bağlanması
- Müqavilələrin hazırlanmasının təşkili, ödəniş şərtlərinin müəyyənləşdirilməsi və nəzarətdə saxlanılması, hesabatların hazırlanaraq təqdim edilməsi
- Daxili və xarici sifarişçilərdən daxil olan mal və xidmət sorğularının mövcud təchizatçılar vasitəsilə təmin edilməsi
- Satınalma fəaliyyəti və xərclər barədə müntəzəm hesabatların hazırlanması
- İstehsalçılardan qiymətlərin alınması və maya dəyərinin hesablanması
- Təchizat sahəsində rəhbərlik tərəfindən verilən tapşırıqların yerinə yetirilməsi
- Şirkətin daxili prosedur və təlimatlarına tam riayət edilməsi
Namizədə olan tələblər
- Ali təhsil
- Market sahəsində minimum 3 il iş təcrübəsi
- Azərbaycan və rus dillərini səlis bilmək
- MS Office proqramları üzrə sərbəst istifadə bacarığı
- LOGO TİGER proqramında işləmək bacarığı
- İntizamlılıq, dəqiqlik və komandada işləmə bacarığı
İş şəraiti
- İş yeri: Sumqayıt şəhəri
- Əmək haqqı: Namizədin bilik və təcrübəsinə uyğun olaraq müəyyən ediləcəkdir
Vakansiya aktiv deyil, son elanlara aşağıdan keçid edin
