Marketinq meneceri

Inomarka və CarBuy Hub layihələri Bakıda marketinq istiqamətini inkişaf etdirmək üçün strateji baxışa malik, analitik və təşəbbüskar Marketinq Meneceri axtarır. Bu vəzifənin əsas hədəfi brendin bazardakı mövqeyini gücləndirmək, müştəri cəlbini artırmaq və marketinq fəaliyyətini konkret biznes nəticələrinə çevirməkdir.

Vəzifə öhdəlikləri

• Şirkətin ümumi marketinq strategiyasının qurulması və tətbiqi
• Brend imicinin formalaşdırılması və möhkəmləndirilməsi
• Marketinq kampaniyalarının planlanması, idarə olunması və nəticələrinin ölçülməsi
• Rəqəmsal marketinq, sosial media, PR və digər kanalların əlaqələndirilməsi
• Bazar şəraitinin, rəqiblərin və müştəri davranışlarının araşdırılması
• Marketinq büdcəsinin tərtib edilməsi və idarə edilməsi
• Satış komandası ilə birgə satış artımına yönəlik təşəbbüslərin hazırlanması
• Kontent strategiyasının qurulması və kreativ komandaların işinin koordinasiyası
• Tərəfdaşlar, reklam agentlikləri və podratçılarla əlaqələrin idarə olunması
• KPI göstəriciləri əsasında marketinq nəticələrinin qiymətləndirilməsi və rəhbərliyə hesabatların təqdim edilməsi

Namizədə tələblər

• Marketinq, Biznesin idarə edilməsi və ya bunlarla bağlı sahə üzrə ali təhsil
• Avtomobil sənayesində marketinq təcrübəsi üstünlük sayılır
• Marketinq strategiyalarının hazırlanması və icrası sahəsində praktiki iş təcrübəsi
• Meta Ads, Google Ads, YouTube kimi rəqəmsal marketinq alətlərindən istifadə bacarığı
• Bazar tədqiqatı, rəqib təhlili və marketinq analitikası üzrə bilik və təcrübə
• Marketinq büdcəsinin planlaşdırılması və idarəçiliyi bacarığı
• Azərbaycan və rus dillərində sərbəst danışıq (ingilis dili bilgisi əlavə üstünlükdür)
• MS Office proqramları, xüsusilə Excel-də yüksək səviyyəli bacarıq
• Analitik təfəkkür, təşəbbüskarlıq, məsuliyyət hissi və nəticəyönümlü iş üslubu

Biz nə təklif edirik?

• İki inkişaf edən layihənin marketinq strategiyasının qurulmasında birbaşa iştirak imkanı
• Yeni ideyaları tətbiq etmək üçün sərbəstlik və geniş təşəbbüs imkanı
• Peşəkar artım və karyera inkişafı üçün perspektiv
• Rəqabətqabiliyyətli əmək haqqı və nəticəyə bağlı motivasiya sistemi

İş şəraiti

• Əməkhaqqı: müsahibə zamanı qarşılıqlı razılaşdırılır
• İş qrafiki: Bazar ertəsi – Cümə, saat 10:00-dan 19:00-dək
• İş yeri: Bakı, Ağ Şəhər, Inomarka ofisi

CV-nizi və əməkhaqqı gözləntinizi mövzu sətrində “Marketinq Meneceri” qeyd etməklə Müraciət et düyməsində göstərilən elektron poçt ünvanına göndərməyinizi xahiş edirik.

Qeyd: Yalnız tələblərə uyğun olan namizədlərlə əlaqə saxlanılacaq.