Marketinq şöbə müdiri

Marketinq rəhbəri vakansiyası üzrə peşəkar komanda idarəçiliyi, rəqəmsal marketinq və brend inkişafı sahəsində təcrübəsi olan namizədlər axtarılır.

Vəzifə öhdəlikləri

• Şirkətin ümumi marketinq strategiyasını hazırlamaq və icrasına rəhbərlik etmək;
• Marketinq şöbəsinin fəaliyyətini planlaşdırmaq, idarə etmək və nəzarətdə saxlamaq;
• Rəqəmsal marketinq, sosial media, PR və reklam kampaniyalarının effektivliyini təmin etmək;
• İllik və aylıq marketinq planlarını, büdcəni və hesabatları hazırlamaq;
• Bazar araşdırmaları aparmaq və rəqib analizlərini həyata keçirmək;
• Brend strategiyasını formalaşdırmaq və inkişaf etdirmək;
• SMM komandasını, o cümlədən SMM koordinatorları, mobilqraf və dizayneri idarə etmək;
• Satış şöbəsi ilə koordinasiyalı şəkildə kampaniyaları hazırlamaq;
• Marketinq KPI-larını müəyyən etmək və nəticələri təhlil etmək;
• Agentliklər, media nümayəndələri, influencer marketinq və elektron marketplace-lərlə əməkdaşlığı idarə etmək;
• Yeni məhsul və xidmətlərin bazara çıxarılması üzrə marketinq fəaliyyətlərini əlaqələndirmək.

Namizədə tələblər

• Marketinq, Biznesin idarə edilməsi və ya əlaqəli sahə üzrə ali təhsil;
• Marketinq sahəsində minimum 3 il rəhbər vəzifədə iş təcrübəsi;
• Strateji düşünmə və analitik təhlil bacarığı;
• Meta Ads, Google Ads, Google Analytics və digər marketinq alətləri üzrə biliklər;
• Komanda idarəetmə və liderlik bacarığı;
• Azərbaycan dilində sərbəst bilik, rus və ya ingilis dili bilikləri üstünlükdür;
• Güclü təqdimat, ünsiyyət və danışıqlar aparmaq bacarığı.

Təklif edirik

• Karyera inkişafı və peşəkar yüksəliş imkanı;
• Müasir və dinamik iş mühiti;
• Nahar şirkət tərəfindən təmin olunur;
• Motivasiyaedici bonus sistemi;
• Rəsmi əmək müqaviləsi və sosial təminatlar;
• Həftədə 5 iş günü, həftəsonları istirahət, iş saatı 09:00-18:00.

Müraciət qaydası

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.