Marketinq və kommunikasiya üzrə mütəxəssis

“Azerbaijan Automobiles” şirkəti marketinq və kommunikasiya üzrə mütəxəssis axtarır.

Əsas vəzifə öhdəlikləri

• Brendlər üzrə marketinq kampaniyalarının planlanması və həyata keçirilməsində iştirak etmək.
• Gündəlik marketinq tapşırıqlarını əlaqələndirmək, işlərin vaxtında və keyfiyyətli tamamlanmasına nəzarət etmək.
• Sosial media üçün kontent ideyaları, brendə və trendlərə uyğun mövzular, qısa video ssenariləri və mətnlər hazırlamaq.
• Foto və video çəkilişlərinin təşkilinə dəstək vermək: avtomobilin və məkanın hazırlanması, çəkiliş planı və iştirakçıların koordinasiyası.
• Lazım gəldikdə telefonla operativ story, backstage və sadə qısa videolar çəkmək, ilkin montaj etmək.
• Dizayner və videoqraf üçün aydın briflər hazırlamaq, materialların hazırlanma prosesini və düzəlişləri izləmək.
• Şourum tədbirləri, təqdimatlar, test-drive və digər marketinq aktivliklərinin təşkilində iştirak etmək.
• İnfluenserlər, tərəfdaşlar və təchizatçılarla gündəlik koordinasiyanı aparmaq.
• Rəqiblərin kampaniyalarını və sosial media fəaliyyətini izləyərək yeni ideya və təkliflər vermək.
• Görülmüş işlər və kampaniya nəticələri üzrə qısa hesabatlar hazırlamaq.
• İş qrafiki: həftə içi 6 gün.
• İş ünvanı: Bakı şəh., Babək prospekti.

Namizədə tələblər

• Ali təhsil (aidiyyəti ixtisas üzrə).
• Marketinq, kommunikasiya və ya əlaqəli sahədə minimum 1 il praktiki təcrübə.
• Azərbaycan dilində düzgün və səlis yazı bacarığı; ingilis dili biliyi üstünlük sayılır.
• Instagram və TikTok formatları, Reels və sosial media trendləri barədə anlayış.
• Süni intellekt alətləri ilə baza səviyyəsində işləmək bacarığı.
• MS Office bilikləri, qrafik dizayner sahəsi üzrə müvafiq proqram bilikləri və peşəkar istifadə, həmçinin ofis avadanlıqlarından sərbəst istifadə bacarığı.
• Eyni anda bir neçə işi planlaşdırmaq, prioritetləşdirmək və son tarixlərə riayət etmək.
• Güclü ünsiyyət, təşkilatçılıq və komanda ilə işləmək bacarığı.
• Avtomobil sahəsinə maraq; bu sektorda təcrübə üstünlükdür.
• İşdə dəqiq, məsuliyyətli və dürüst olmaq.

Seçim zamanı xüsusi diqqət ediləcək məqamlar

• Təşəbbüskarlıq: tapşırıq gözləmədən ideyalar irəli sürmək, problemlərə həll təklif etmək və proaktiv yanaşma göstərmək.
• Aktiv iştirak: şourumda, çəkiliş proseslərində və tədbirlərdə fəal olmağa hazır olmaq.
• Məsuliyyət və nəticəyönümlülük: tapşırığı qəbul etdikdən sonra icra prosesini izləmək, maneələr barədə vaxtında məlumat vermək və işi nəticəyədək çatdırmaq.
• Vizual baxış və praktiki bacarıqlar: kontentə estetik və yaradıcı yanaşmaq, vizual detalları düzgün dəyərləndirmək və praktik çəkiliş bacarıqlarına malik olmaq.

Müraciət qaydası

Maraqlanan namizədlərdən xahiş olunur ki, CV-lərini mövzu hissəsində “Marketinq və kommunikasiya üzrə mütəxəssis” qeyd etməklə Müraciət et düyməsində göstərilən elektron ünvanına göndərsinlər.

Yalnız tələblərə uyğun namizədlərlə e-poçt və ya telefon vasitəsilə əlaqə saxlanılacaq.