Bakı şəhərində fəaliyyət göstərən şirkətimiz Layihə Mühəndisi vəzifəsi üzrə namizədlərin müraciətlərini qəbul edir. Tikinti və layihələndirmə sahəsində 3-5 il iş təcrübəsi olan, AutoCAD və ArchiCAD proqramlarına yaxşı bələd olan mütəxəssislər bu vəzifəyə uyğun namizəd hesab ediləcəkdir.
Vəzifə öhdəlikləri
- Layihənin başlanğıc mərhələsində sahə analizlərini həyata keçirmək, ilkin dizayn konsepsiyasını formalaşdırmaq və ətraflı tədqiqat işləri aparmaq;
- Layihələndirmə materiallarını təhlil edərək, onların müəyyən edilmiş ehtiyac və məqsədlərə uyğunluğu barədə rəhbərliyə hesabat və tövsiyələr təqdim etmək;
- Layihə sənədlərinin estetik, texniki və ekoloji tələblərə cavab verdiyini yoxlamaq; müəllif nəzarətini icra etmək; tikintidə tətbiq edilən materialların, konstruksiyaların və məmulatların təsdiq edilmiş layihə, standart və texniki şərtlərə uyğunluğuna nəzarət etmək, aidiyyatı tərəfləri müvafiq tələblər çərçivəsində istiqamətləndirmək;
- Layihə sənədlərinin Azərbaycan Respublikasının qanunvericiliyinə, şəhərsalma və tikinti normativ sənədlərinə, həmçinin əvvəlcədən müəyyən edilmiş beynəlxalq standartlara uyğun hazırlanmasını təmin etmək;
- Layihələndirmə müddətlərinin planlaşdırılması ilə bağlı məsləhətlər vermək və bütün iş mərhələlərində qrafikin layihəyə aid iş həcmlərinə uyğunluğunu mütəmadi yoxlamaq;
- Zərurət yarandıqda layihənin istənilən mərhələsində texniki sənədlərə ekspert qiymətləndirməsi vermək, təhlillər aparmaq, büdcə və xərclər üzrə optimallaşdırma təklifləri irəli sürmək;
- Layihə sənədlərinin hazırlanması, paylanması, saxlanması, təsdiqi və arxivləşdirilməsi proseslərini, eləcə də hər növ məlumat mübadiləsini müvafiq sənədlərə nəzarət prosedurasına uyğun şəkildə təşkil etmək;
- İstehsal yoxlamaları və sınaqlarında, habelə tikintinin təhvil-təslim prosesində fəal iştirak etmək.
Namizədə tələblər
- Müvafiq sahə üzrə ali təhsil;
- Mühəndis vəzifəsində 3-5 il iş təcrübəsi;
- AutoCAD, ArchiCAD, 3Ds Max və analoji proqramlarla işləmək bacarığı;
- Tikinti norma və qaydaları sahəsində bilik;
- Tapşırıqları müəyyən edilmiş müddətdə keyfiyyətlə tamamlamaq, həm müstəqil, həm də komanda şəraitində səmərəli işləmək bacarığı.
İş şərtləri
- İş yeri: Bakı şəhəri;
- İş rejimi: həftədə 5 gün, saat 09:00–18:00;
- Nahar fasiləsi: 13:00–14:00;
- Əmək haqqı: müsahibə nəticəsinə əsasən müəyyən edilir;
- Qəbul Azərbaycan Respublikasının Əmək Məcəlləsi əsasında rəsmiləşdirilir.
Vakansiya aktiv deyil, son elanlara aşağıdan keçid edin
