Memar

Bakı şəhərində layihələndirmə və tikinti sahəsində memar vakansiyası üçün namizəd axtarılır. Bu iş layihələndirmə prosesində təcrübəli, normativ sənədlərlə işləməyi bacaran mütəxəssislər üçün nəzərdə tutulub.

Vəzifə öhdəlikləri

• Layihələrin ilkin mərhələsində ətraflı araşdırma aparmaq, sahə analizləri etmək və ilkin dizayn yanaşmasını formalaşdırmaq;
• Layihələndirmə məlumatlarını təhlil etmək, ehtiyac və məqsədlərə uyğunluq barədə rəhbərliyə tövsiyələrlə birlikdə hesabat təqdim etmək;
• Layihələndirmə məlumatlarının estetik və texniki tələblərə, həmçinin ətraf mühitə uyğunluğunu yoxlamaq, müəllif nəzarətini həyata keçirmək, tikintidə istifadə olunan inşaat materialları, konstruksiya və məmulatların təsdiq olunmuş layihəyə, standartlara və texniki şərtlərə uyğunluğunu izləmək, aidiyyəti şəxsləri bu tələblərə uyğun yönləndirmək;
• Layihələndirmə sənədlərinin Azərbaycan Respublikası qanunvericiliyinə, şəhərsalma və tikintiyə dair normativ sənədlərə, eləcə də əvvəlcədən müəyyən edilmiş beynəlxalq standartlara uyğun hazırlanmasını təmin etmək;
• Layihələndirmə müddətlərinin müəyyən olunması ilə bağlı müvafiq məsləhətlər vermək və bütün mərhələlərdə iş qrafikinin layihələndirməyə aid iş həcmlərinə uyğunluğunu yoxlamaq;
• Lazım olduqda layihənin bütün mərhələlərində texniki sənədlərə ekspert rəyi vermək, təhlillər aparmaq, büdcə və xərclərin optimallaşdırılması üçün təkliflər təqdim etmək;
• Layihələndirmə sənədlərinin hazırlanması, paylanması, saxlanılması, təsdiqi, arxivləşdirilməsi və məlumat mübadiləsinin sənədləşdirilmiş məlumatların nəzarət proseduruna uyğun həyata keçirilməsini təmin etmək;
• İstehsalat üzrə müvafiq sınaq və yoxlamalarda, eləcə də tikintinin təhvil-təslim prosesində iştirak etmək.

Tələblər

• Ali təhsil (müvafiq sahə üzrə);
• Mühəndis vəzifəsində 3-5 il iş təcrübəsi;
• Kompüter bilikləri: AutoCAD, ArchiCAD, 3Dsmax və s.;
• Tikinti norma və qaydaları üzrə biliklər;
• İşi vaxtında və keyfiyyətlə təhvil vermək bacarığı, həm müstəqil, həm də komanda daxilində işləyə bilmək.

Ümumi məlumat

• İş yeri: Bakı şəhəri;
• İş rejimi: 5 gün, 09:00 – 18:00;
• Nahar fasiləsi: 13:00 – 14:00;
• Əmək haqqı müsahibə əsasında müəyyən ediləcək;
• İşə qəbul Azərbaycan Respublikasının Əmək Məcəlləsinə əsasən həyata keçirilir.