Bakı şəhərində yerləşən bu mühəndis vakansiyası üzrə əsas məqsəd layihələrin ilkin araşdırılmasının aparılması, layihə sənədlərinin texniki və normativ tələblərə uyğunluğunun təmin edilməsi, eləcə də tikinti prosesində müəllif nəzarətinin həyata keçirilməsidir.
Vəzifə öhdəlikləri
- Layihələrin başlanğıc mərhələsində geniş araşdırmalar aparmaq, sahə üzrə analizlər həyata keçirmək və ilkin dizayn istiqamətini formalaşdırmaq.
- Layihə sənədlərini təhlil etmək, onların mövcud ehtiyac və məqsədlərə uyğunluğunu qiymətləndirərək rəhbərliyə tövsiyələrdən ibarət hesabat təqdim etmək.
- Layihə məlumatlarını estetik göstəricilər, texniki tələblər və ətraf mühitə uyğunluq baxımından yoxlamaq, müəllif nəzarətini icra etmək, tikintidə istifadə olunan materialların, konstruksiyaların və məmulatların təsdiqlənmiş layihəyə, standartlara və texniki şərtlərə uyğunluğunu izləmək, aidiyyəti şəxsləri bu istiqamətdə yönləndirmək.
- Layihə sənədlərinin Azərbaycan Respublikasının qanunvericiliyinə, şəhərsalma və tikinti üzrə normativ aktlara, həmçinin əvvəlcədən müəyyən edilmiş beynəlxalq standartlara uyğun hazırlanmasına nəzarət etmək.
- Layihələndirmə müddətlərinin müəyyən edilməsi ilə bağlı rəy və tövsiyələr vermək, bütün mərhələlər üzrə iş qrafikinin layihə həcmlərinə uyğunluğunu yoxlamaq.
- Zərurət yarandıqda layihənin bütün mərhələlərində texniki sənədləri ekspertiza etmək, təhlillər aparmaq və büdcə ilə xərclərin optimallaşdırılması üçün təkliflər hazırlamaq.
- Layihə sənədlərinin hazırlanması, bölüşdürülməsi, qorunması, təsdiqlənməsi, arxivləşdirilməsi və məlumat mübadiləsinin sənədləşdirilmiş nəzarət prosedurlarına uyğun təşkil olunmasını təmin etmək.
- İstehsalat üzrə müvafiq sınaq və yoxlama proseslərində, həmçinin tikinti işlərinin təhvil-təslim mərhələsində iştirak etmək.
Tələblər
- Müvafiq ixtisas üzrə ali təhsil.
- Mühəndis vəzifəsində minimum 3-5 il iş təcrübəsi.
- AutoCAD, ArchiCAD, 3Ds Max və digər əlaqəli proqramlar üzrə işləmək bacarığı.
- Tikinti norma və qaydaları ilə bağlı biliklər.
- Tapşırıqları müəyyən edilmiş vaxtda və keyfiyyət standartlarına uyğun yerinə yetirmək, həm müstəqil, həm də komanda daxilində səmərəli işləmək bacarığı.
Ümumi məlumat
- İş yeri: Bakı şəhəri.
- İş qrafiki: həftədə 5 iş günü, saat 09:00-dan 18:00-dək.
- Nahar fasiləsi: 13:00-dan 14:00-dək.
- Əmək haqqı müsahibənin nəticəsinə əsasən müəyyən olunacaq.
- İşə qəbul Azərbaycan Respublikasının Əmək Məcəlləsinə uyğun şəkildə həyata keçirilir.
Vakansiya aktiv deyil, son elanlara aşağıdan keçid edin
