Bakı şəhərində yerləşən vakansiya üzrə mühəndis layihələrin ilkin araşdırılmasından başlayaraq layihə sənədlərinin hazırlanması, texniki uyğunluğun yoxlanılması, müəllif nəzarəti və tikinti prosesində iştirak kimi funksiyaları icra edəcək.
Vəzifə öhdəlikləri
- Layihələrin başlanğıc mərhələsində geniş araşdırmalar aparmaq, sahə üzrə təhlillər həyata keçirmək və ilkin dizayn konsepsiyasının formalaşdırılmasını təmin etmək.
- Layihə məlumatlarını təhlil edərək onların mövcud ehtiyac və məqsədlərə uyğunluğunu qiymətləndirmək, nəticələrlə bağlı rəhbərliyə tövsiyələrdən ibarət hesabat təqdim etmək.
- Layihə sənədlərini estetik yanaşma, texniki tələblər və ətraf mühitə uyğunluq baxımından yoxlamaq, müəllif nəzarətini həyata keçirmək, tikintidə istifadə olunan materialların, konstruksiyaların və məmulatların təsdiqlənmiş layihəyə, standartlara və texniki şərtlərə uyğunluğuna nəzarət etmək, aidiyyəti əməkdaşları bu istiqamətdə yönləndirmək.
- Layihə sənədlərinin Azərbaycan Respublikasının qanunvericiliyinə, şəhərsalma və tikinti üzrə normativ aktlara, həmçinin əvvəlcədən müəyyən olunmuş beynəlxalq standartlara uyğun hazırlanmasını təmin etmək.
- Layihələndirmə müddətlərinin müəyyənləşdirilməsi ilə bağlı rəy vermək və bütün mərhələlər üzrə iş qrafikinin layihə işlərinin həcminə uyğunluğunu yoxlamaq.
- Zərurət yarandıqda layihənin bütün mərhələlərində texniki sənədlər üzrə ekspert rəyi bildirmək, təhlillər aparmaq, büdcə və xərclərin optimallaşdırılması üçün təkliflər hazırlamaq.
- Layihə sənədlərinin hazırlanması, bölüşdürülməsi, saxlanılması, təsdiqlənməsi və arxivləşdirilməsi proseslərinin, eləcə də bütün məlumat mübadiləsinin sənədləşdirilmiş nəzarət prosedurlarına uyğun təşkil olunmasını təmin etmək.
- İstehsalat üzrə müvafiq sınaq və yoxlamalarda, həmçinin tikinti işlərinin təhvil-təslim mərhələsində iştirak etmək.
Tələblər
- Müvafiq ixtisas üzrə ali təhsil.
- Mühəndis vəzifəsində 3 ildən 5 ilədək iş təcrübəsi.
- AutoCAD, ArchiCAD, 3Ds Max və digər əlaqəli proqramlardan istifadə bacarığı.
- Tikinti norma və qaydaları üzrə biliklər.
- Tapşırıqları vaxtında və keyfiyyətli icra etmək, həm müstəqil, həm də komanda daxilində səmərəli işləmək bacarığı.
Ümumi məlumat
- İş yeri: Bakı şəhəri.
- İş qrafiki: 5 günlük iş həftəsi, 09:00-dan 18:00-dək.
- Nahar fasiləsi: 13:00-dan 14:00-dək.
- Əmək haqqı müsahibənin nəticəsinə əsasən müəyyən edilir.
- İşə qəbul Azərbaycan Respublikasının Əmək Məcəlləsinə uyğun şəkildə aparılır.
Vakansiya aktiv deyil, son elanlara aşağıdan keçid edin
