Bakı şəhərində fəaliyyət göstərən şirkət layihələndirmə sahəsində təcrübəyə malik Mühəndis vəzifəsi üzrə namizədlərin müraciətlərini qəbul edir. Vəzifə, tikinti layihələrinin müxtəlif mərhələlərində texniki nəzarəti, sənədləşməni və normativ tələblərə uyğunluğun təmin edilməsini əhatə edir.
Vəzifə öhdəlikləri
- Layihələrin başlanğıc mərhələsində ətraflı tədqiqat aparmaq, sahə analizlərini həyata keçirmək və ilkin dizayn konsepsiyasını formalaşdırmaq;
- Layihələndirmə materiallarını təhlil edərək, onların müəssisənin ehtiyac və məqsədlərinə uyğunluğu barədə rəhbərliyə yazılı tövsiyələr və hesabatlar təqdim etmək;
- Hazırlanmış layihə sənədlərini estetik, texniki və ekoloji tələblər baxımından yoxlamaq, müəllif nəzarətini həyata keçirmək; tikintidə tətbiq olunan materialların, konstruksiyaların və məmulatların təsdiq edilmiş layihəyə, standartlara və texniki şərtlərə tam uyğunluğunu izləmək, aidiyyəti tərəfləri bu tələblər çərçivəsində istiqamətləndirmək;
- Layihə sənədlərinin Azərbaycan Respublikasının qanunvericiliyinə, şəhərsalma və tikinti normativ sənədlərinə, habelə əvvəlcədən müəyyən edilmiş beynəlxalq standartlara uyğun hazırlanmasını təmin etmək;
- Layihələndirmə mərhələlərinin müddətlərinin müəyyənləşdirilməsi ilə bağlı tövsiyələr vermək və iş qrafiklərinin bütün mərhələlər üzrə layihə həcmlərinə uyğunluğunu müntəzəm yoxlamaq;
- Zərurət yarandığı hallarda layihənin istənilən mərhələsində texniki sənədlərə ekspert qiymətləndirməsi vermək, analitik təhlillər aparmaq, büdcənin və xərclərin optimallaşdırılmasına dair əsaslandırılmış təkliflər irəli sürmək;
- Layihə sənədlərinin hazırlanması, yayılması, saxlanması, təsdiqi və arxivləşdirilməsi proseslərini, eləcə də hər növ məlumat mübadiləsini müvafiq sənədlərə nəzarət proseduruna uyğun şəkildə idarə etmək;
- İstehsalat sınaqlarında, texniki yoxlamalarda və tikinti obyektlərinin təhvil-təslim prosesində iştirak etmək.
Namizədə tələblər
- Müvafiq sahədə ali təhsil;
- Mühəndis vəzifəsində 3-5 il iş təcrübəsi;
- AutoCAD, ArchiCAD, 3Ds Max və analoji proqram təminatı üzrə bilik və bacarıqlar;
- Tikinti norma və qaydaları sahəsində yetərli biliyə malik olmaq;
- İşi müəyyən edilmiş müddətdə və tələb olunan keyfiyyətdə yerinə yetirmək bacarığı; həm müstəqil, həm də komanda şəraitində səmərəli çalışmaq qabiliyyəti.
İş şərtləri
- İş yeri: Bakı şəhəri;
- İş rejimi: Həftənin 5 günü, saat 09:00–18:00;
- Nahar fasiləsi: 13:00–14:00;
- Əmək haqqı: Müsahibə nəticəsində müəyyən ediləcək;
- Əmək müqaviləsi Azərbaycan Respublikasının Əmək Məcəlləsinə uyğun olaraq rəsmiləşdiriləcək.
Vakansiya aktiv deyil, son elanlara aşağıdan keçid edin
