HECOTEC MMC sənaye və mülki tikinti sahəsində fəaliyyət göstərən şirkət olaraq, layihə komandasına Memar vakansiyası üzrə namizəd axtarır. Bu rol layihənin konsept fazasından başlayaraq tikintinin tamamlanması və obyektin təhvilinə qədər bütün mərhələlərdə birbaşa iştirakı nəzərdə tutur. Bakıda fəaliyyət göstərən şirkətin portfelində həm yerli, həm də beynəlxalq EPC layihələri yer alır.
Əsas vəzifələr və məsuliyyətlər
- Layihənin erkən mərhələlərində sahə təhlilinin aparılması və konseptual memarlıq həllərinin formalaşdırılması
- Plan, kəsik, fasad və 3D model daxil olmaqla memarlıq sənədlərinin hazırlanması və təkmilləşdirilməsi
- Layihənin estetik, funksional və texniki tələblərə tam uyğunluğunun təmin edilməsi
- AzDTN və beynəlxalq tikinti normalarına riayətin izlənilməsi
- Konstruktiv, MEP və digər mühəndislik qrupları ilə əlaqələndirilmiş iş prosesinin qurulması
- Shop drawing-lərin və texniki sənədləşmənin yoxlanılması və təsdiqlənməsi
- Tikinti mərhələsində müəllif nəzarətinin aparılması və sahədə yaranan problemlərin operativ həlli
- Layihə dəyişiklikləri və sahə qərarlarının müvafiq sənədlərlə (akt, hesabat və s.) rəsmiləşdirilməsi
- Dövlət qurumları ilə ünsiyyətin saxlanılması və icazələndirmə prosedurlarında iştirak
Namizədə olan tələblər
- Memarlıq ixtisası üzrə ali təhsil diplomu
- Sahə işi və layihələndirmə üzrə minimum 3–5 illik praktiki iş stajı
- AutoCAD, Revit və ya ArchiCAD, SketchUp və analoji proqram təminatlarında sərbəst işləmə bacarığı
- Texniki cizgilərin oxunması, eskiz işləməsi və üçölçülü məkan düşüncəsi
- AzDTN əsaslı tikinti norma və qaydaları üzrə bilik bazası
- Analitik yanaşma, problemlərin müstəqil həlli və effektiv ünsiyyət qurma bacarığı
- Komanda mühitində çalışmaq və eyni anda bir neçə aktiv layihəni idarə etmək bacarığı
Şirkətin təklif etdikləri
- Zavod, enerji qurğuları və neft-qaz sektoru kimi sənaye obyektləri, həmçinin mülki tikinti layihələrində iş təcrübəsi
- Beynəlxalq EPC layihə proseslərinə qatılmaq imkanı
- Rəqabətli əmək haqqı paketi və fəaliyyətə əsaslanan bonus sistemi
- Həm Azərbaycanda, həm də xaricdə təlim və kurslar vasitəsilə peşəkar inkişafa dəstək
Vakansiya aktiv deyil, son elanlara aşağıdan keçid edin
