Şirkətimiz memarlıq, interyer və eksteryer dizayn layihələrini konsepsiya mərhələsindən son tamamlanma mərhələsinə qədər müstəqil idarə edə biləcək Memar-Dizayner axtarır. Namizəddən sahə planlaması, texniki çertyoj hazırlığı və vizual təqdimat üzrə praktiki təcrübə tələb olunur.
Vəzifə Öhdəlikləri
- Memarlıq, interyer və eksteryer layihələrinin bütün mərhələlər üzrə idarə edilməsi
- Sahələrin yerində yoxlanılması, layihə şərtlərinin və mövcud məhdudiyyətlərin qiymətləndirilməsi
- Dəqiq memarlıq ölçülərinin müəyyənləşdirilməsi və sənədləşdirilməsi
- Plan məlumatlarına əsasən eskizlərin hazırlanması və CAD formatına çevrilməsi
- Təhlükəsizlik, funksionallıq, sahə səmərəliliyi və estetik tələbləri nəzərə alaraq interyer dizayn həllərinin işlənməsi
- Mexaniki, elektrik və santexnika sistemlərini əhatə edən ətraflı çertyojların (mərtəbə planları, yüksəkliklər, tavan, döşəmə və s.) hazırlanması
- Layihə həcmi və büdcəsinə uyğun optimal dizayn variantlarının, material və avadanlıqların seçilməsi
- Tələb olunan çertyojların, spesifikasiyaların və layihəyə aid sənədlərin hazırlanması
- Mebel, işıqlandırma və tamamlama materialları üzrə detallı spesifikasiyaların tərtib edilməsi
- Layihə qrafikinin izlənilməsi və tapşırıqların müəyyən edilmiş müddətdə yerinə yetirilməsinin təmin edilməsi
- Layihə konsepsiyasına uyğun müvafiq proqram vasitələri ilə vizual görünüşlərin hazırlanması
Namizədə Dair Tələblər
- Ali təhsil; Memarlıq, İnşaat və ya İncəsənət universiteti məzunlarına üstünlük verilir
- Azərbaycan dilini mükəmməl bilmək; rus və ingilis dili bilikləri arzuolunandır
- Memarlıq, sahə planlaması və interyer dizaynı üzrə minimum 3 illik iş təcrübəsi
- Tikinti materialları, inşaat detalları, normativlər və keyfiyyət standartları sahəsində biliklər
- AutoCAD, SketchUp, 3D Max, Revit, Corona, Illustrator, Photoshop və MS Office proqramlarında yüksək səviyyəli istifadəçi bacarığı
- Komanda şəraitində səmərəli işləmək bacarığı
- Məsuliyyətli, dəqiq və operativ iş tərzi
- Portfolio mütləqdir — sahə üzrə tamamlanmış layihələri əks etdirən portfolio təqdim edilməyən müraciətlər nəzərə alınmayacaq
İş Şəraiti
- İş rejimi: həftə içi 5 gün, saat 09:00–18:00
- Aylıq əmək haqqı: 2000–2500 AZN (namizədin bilik, təcrübə və bacarıq səviyyəsinə görə müəyyən edilir)
Vakansiya aktiv deyil, son elanlara aşağıdan keçid edin
