İş yeri: Bakı
Shaurma N1 komandası üçün AutoCAD bilikləri olan, estetik baxışı güclü və məkan planlaşdırmasını bacaran Memar – layihələndirmə üzrə mütəxəssis axtarılır.
Vəzifə öhdəlikləri
- Obyektlərə gedərək yerində ölçü götürmək;
- Toplanmış ölçüləri əl eskizində və plan üzərində düzgün qeyd etmək;
- Ölçüləri AutoCAD proqramında dəqiq plan və texniki çertyoja çevirmək;
- Mövcud obyektlərin planlarını hazırlayıb layihələndirmə şöbəsinə təqdim etmək;
- Kafe və restoranları real ölçülərə uyğun şəkildə layihələndirmək;
- Restoranların funksional planlaşdırılmasını aparmaq, mebel və avadanlıqların yerləşimini işləmək;
- Layihələr üzrə tələb olunan düzəlişləri və yenilənmələri icra etmək;
- Layihələri təqdimat və sonrakı icra mərhələsinə hazırlamaq.
Namizədə dair tələblər
Mütləq tələblər
- AutoCAD proqramını yaxşı səviyyədə bilmək;
- Obyektlərdə ölçü götürmək və ölçüləri layihəyə düzgün köçürmək bacarığı;
- Plan və texniki çertyojları oxumaq və hazırlamaq bacarığı;
- Məkanın funksional və düzgün planlaşdırılması üzrə biliklər;
- Microsoft Excel proqramını yaxşı səviyyədə bilmək;
- Microsoft Word və digər ofis proqramları barədə ümumi biliklər.
Üstünlük hesab olunur
- SketchUp proqramında işləmək bacarığı;
- 5D Render proqramlarında işləmək bacarığı;
- Lumion proqramını bilmək;
- 3D modelləşdirmə və vizuallaşdırma üzrə ilkin və ya orta səviyyədə təcrübə.
Namizəddən gözləntilər
- Güclü estetik zövq və dizayn düşüncəsi;
- Rəng seçimi və rənglərin uyğunlaşdırılması bacarığı;
- Məkanın imkanlarını düzgün dəyərləndirmək bacarığı;
- Detallara qarşı diqqətli və dəqiq yanaşma;
- Ölçülər və texniki çertyojlarla səhvsiz işləməyə həssas münasibət;
- Verilən tapşırıqları müstəqil araşdırmaq və nəticəyə çatdırmaq bacarığı;
- Komanda ilə işləmək və layihələr üzrə düzəlişləri operativ tətbiq etmək bacarığı;
- Obyektlərə yerində baxış və ölçü götürmək üçün səfərlərə hazır olmaq.
İş prosesinin əsas mərhələləri
Obyektə yerində baxış → Ölçülərin götürülməsi → Əl eskizi → AutoCAD planı → Layihənin hazırlanması və məkanın funksional planlaşdırılması → Konseptin obyektin real ölçülərinə uyğunlaşdırılması → Təqdimat → Düzəlişlər → Yekun layihə
Müraciət qaydası
Vakansiya ilə maraqlanan namizədlərdən xahiş olunur ki, CV-lərini və varsa hazırladıqları layihə portfoliolarını mövzu hissəsində “Memar – Layihələndirmə üzrə mütəxəssis” qeyd etməklə Müraciət et düyməsində göstərilən elektron poçt ünvanına göndərsinlər.
Qeyd: AutoCAD proqramı üzrə biliklər əsas və mütləq tələbdır. SketchUp, 5D Render və Lumion proqramlarını bilmək namizəd üçün əlavə üstünlük sayılır.
Shaurma N1 komandasında karyera imkanına qoşulun!
