Bakı şəhərində fəaliyyət göstərən müəssisəmiz mexaniki avadanlıqların texniki xidməti və təmiri sahəsində təcrübəli Mexanik axtarır. Tam ştat əsasında təklif olunan bu vəzifə üzrə əmək haqqı müsahibə zamanı razılaşma yolu ilə müəyyənləşdirilir.
Vəzifə öhdəlikləri
- Lil nasosları, transfer nasosları və dalğıc nasoslar daxil olmaqla müxtəlif nasos sistemlərinin texniki xidməti və təmirinin həyata keçirilməsi;
- Blowerlər, kompressorlar, qarışdırıcılar (mikserlər), ızgara və ələk sistemlərinin işinə nəzarət edilməsi;
- Konveyer avadanlıqlarının və lilin susuzlaşdırılması üçün istifadə olunan mexanizmlərin müntəzəm texniki baxışı və təmiri;
- Boru xətləri və vanaların daim işlək vəziyyətdə saxlanılmasının təmin edilməsi;
- Reduktor və rulman sistemlərinin yoxlanılması, zəruri hallarda təmir edilməsi;
- Avadanlıqlarda yaranan nasazlıqların yerindəcə diaqnostikası və operativ şəkildə aradan qaldırılması;
- Planlaşdırılmış texniki xidmət (PM) işlərinin müvafiq qaydada icra edilməsi;
- Aparılan təmir və texniki baxış işləri barədə hesabatların hazırlanaraq təqdim edilməsi.
Namizədlərə tələblər
- Orta ixtisas və ya texniki təhsil (mexanika ixtisası üzrə olması üstünlük sayılır);
- Müvafiq sahədə ən azı 3-5 il praktiki iş təcrübəsi;
Avadanlıqlar üzrə bilik və təcrübə
- Nasos sistemləri: lil, transfer və dalğıc nasoslar;
- Blowerlər və kompressorlar;
- Qarışdırıcılar (mikserlər);
- Izgara və ələk sistemləri;
- Konveyerlər və susuzlaşdırma avadanlıqları;
- Vanalar və boru sistemləri;
- Reduktorlar və rulman sistemləri.
Mexaniki xidmət və təmir sahəsində tələb olunan bacarıqlar
- Rulmanların müstəqil şəkildə dəyişdirilməsi;
- Muftaların sazlanması və mərkəzlənməsinin aparılması;
- Salmastra və mexaniki contaların dəyişdirilməsi;
- Yağlama sistemləri ilə sərbəst işləmə qabiliyyəti;
- Vibrasiya və səs analizinə əsaslanaraq nasazlıqların müəyyənləşdirilməsi;
- Texniki sənədlər və sxemlərlə işləmə, çertyojları oxuma bacarığı;
- Məsuliyyətli, operativ xarakter və komanda mühitinə uyğunlaşma qabiliyyəti.
Üstünlük sayılan keyfiyyətlər
- Su təchizatı və kanalizasiya qurğularında əvvəlki iş təcrübəsinin olması;
- Beynəlxalq layihələrdə iştirak etmiş olması;
- Elektrik avadanlıqları sahəsində əsas biliklərin mövcudluğu;
- B kateqoriyalı sürücülük vəsiqəsinin olması.
Vakansiya aktiv deyil, son elanlara aşağıdan keçid edin
