Bankın kredit şöbəsi üzrə mikro kredit mütəxəssisi vəzifəsi üçün namizədlər axtarılır. Bu vəzifədə çalışan əməkdaş kredit bazarında müştəri cəlbindən tutmuş borcların izlənməsinə qədər bütün prosesi əhatə edən işləri yerinə yetirəcək.
Vəzifə öhdəlikləri
- Kredit bazarının mütəmadi təhlili, sahibkarlıq fəaliyyəti ilə məşğul olan fiziki və hüquqi şəxslərin bankın kredit məhsullarına cəlb edilməsi;
- Mikro kreditlər üzrə müraciətlərin qəbulu, bankın daxili prosedur və qaydalarına uyğun olaraq kredit sənədlərinin toplanması və düzgün sənədləşdirilməsinin təmin edilməsi;
- Mikro kredit müraciətlərinin təhlili, müştərinin maliyyə hesabatlarının hazırlanması, girov əmlakının qiymətləndirilməsi məqsədilə ilkin monitorinqin həyata keçirilməsi;
- Kredit memorandumunun hazırlanması və müvafiq sənədlərlə birlikdə kredit komitəsinin müzakirəsinə təqdim edilmək üçün Qrup rəhbərinə və ya Koordinatora çatdırılması;
- Kredit verilməsinə müsbət qərar çıxarıldıqda kredit məlumatlarının ABİS-ə daxil edilməsi üçün səlahiyyətli əməkdaşa ötürülməsi;
- Kredit müqaviləsi və ödəniş cədvəli çərçivəsində borcların vaxtında ödənilməsinə nəzarət edilməsi;
- Müqavilə şərtlərini pozan müştərilərlə sistematik iş aparılması və borcların ödənilməsinə yönəlik lazımi tədbirlərin görülməsi.
Namizədə olan tələblər
- Məlumatları təhlil etmə və nəticə çıxarma qabiliyyəti;
- Microsoft Office proqram paketlərindən istifadəçi səviyyəsində xəbərdarlıq;
- Azərbaycan dilində səlis şifahi və yazılı ünsiyyət bacarığı;
- Komanda mühitinə uyum və birgə işləmə qabiliyyəti.
İş rejimi
Tam ştat əsasında çalışma.
Təklif olunan şərtlər
- Tibbi sığorta;
- Peşəkar bilik və bacarıqların artırılmasına yönəlik təlimlər;
- Karyera və maddi inkişaf imkanları;
- Peşəkar korporativ mühitdə çalışmaq fürsəti.
Vakansiya aktiv deyil, son elanlara aşağıdan keçid edin
