Bakıda Mobiloqraf (YouTube & TikTok) üzrə vakansiya təqdim olunur. YouTube və TikTok üçün video kontent yaradacaq, çəkiliş və montaj prosesini idarə edəcək namizəd axtarılır.
Əsas vəzifələr
- YouTube kanalının tam idarə olunması: kontent planının hazırlanması, çəkilişin təşkili, montajın aparılması, yerləşdirilməsi və nəticələrin izlənilməsi;
- TikTok və YouTube Shorts üçün yaradıcı və dinamik qısa videoların hazırlanması;
- Həftə ərzində minimum 4 qısa videonun hazırlandığından və paylaşılmasından məsul olmaq;
- YouTube üçün uzun formatlı videoların çəkilişi və montajını həyata keçirmək;
- İdeyadan yayıma qədər bütün kontent prosesini müstəqil şəkildə idarə etmək;
- YouTube, TikTok və digər video platformalarda trendləri mütəmadi izləmək;
- Yeni video formatları, rubrikalar və kreativ ideyalar hazırlamaq və onları sınaqdan keçirmək;
- YouTube SEO tələblərinə uyğun başlıq, təsvir, teq və digər elementləri hazırlamaq;
- Kanal statistikasını və video performans göstəricilərini izləmək, təhlil etmək;
- Aylıq nəticələr üzrə hesabat hazırlamaq və təqdim etmək;
- Brend üslubuna uyğun vizual və video kontentin hazırlanmasını təmin etmək.
Kvalifikasiya tələbləri
- Ali və ya orta ixtisas təhsili üstünlükdür;
- Mobiloqrafiya, video çəkiliş və kontent istehsalı sahəsində praktiki iş təcrübəsi;
- Namizədin əvvəlki video işlərini əks etdirən portfolio tələb olunur.
Tələb olunan bilik və bacarıqlar
- Mobil telefonla keyfiyyətli və peşəkar video çəkmək bacarığı;
- Vertikal video formatları üzrə praktiki təcrübə: TikTok, Reels, YouTube Shorts;
- CapCut, Adobe Premiere Pro və/və ya After Effects proqramlarında montaj bacarığı;
- TikTok və YouTube alqoritmləri, trendləri və kontent formatları haqqında anlayış;
- YouTube üçün həm uzun, həm də qısa formatlı videolar hazırlamaq bacarığı;
- YouTube SEO prinsipləri üzrə bilik;
- Kreativ düşüncə və yeni video formatları, rubrikalar təklif etmək bacarığı;
- Çəkiliş və montaj prosesini müstəqil şəkildə yerinə yetirmək bacarığı;
- Trendlərə sürətli uyğunlaşmaq və operativ işləmək bacarığı;
- Detallara diqqət və vizual keyfiyyətə fokuslanmaq;
- Vaxtı səmərəli idarə etmək və deadline-lara riayət etmək;
- Azərbaycan dilində sərbəst ünsiyyət bacarığı;
- Rus və ingilis dili biliyi üstünlükdür.
Təklif edirik
- Əmək haqqı: 1000 AZN;
- Müxtəlif brendlər və layihələr üçün kreativ kontent hazırlamaq imkanı;
- YouTube və TikTok istiqamətində yeni layihə və formatların yaradılmasında aktiv iştirak;
- Karyera inkişafı və öyrənmə imkanları;
- Gənc və dinamik komandada çalışma imkanı;
- Nahar şirkət tərəfindən təmin olunur;
- Rahat və motivasiyaedici iş mühiti.
Vakansiya aktiv deyil, son elanlara aşağıdan keçid edin
