Masallı rayonunda fəaliyyət göstərən müəssisə mühasib vəzifəsi üzrə namizəd axtarışındadır. Əməkhaqqı 1000–1500 AZN arasında nəzərdə tutulub. Rayon və ətraf rayonlarda yaşayan namizədlərə üstünlük veriləcək.
İş Şəraiti
- Əməkhaqqı: 1000 – 1500 AZN
- İş rejimi: Həftədə 6 gün (bazar günü istirahət)
- İş saatları: 09:00 – 18:00
- İş yeri: Masallı rayonu
Vəzifə Öhdəlikləri
- İlkin mühasibat sənədlərinin — qaimə, akt, hesab-faktura və digərlərinin — düzgün tərtib edilməsi və uçota alınması;
- Xammal, köməkçi material, yarımfabrikat və hazır məhsullar üzrə uçotun aparılması;
- İstehsal xərclərinin uçotu və baş mühasibə müntəzəm hesabat təqdim edilməsi;
- Kassa və bank əməliyyatlarına aid sənədlərin hazırlanmasında iştirak;
- Satış, geri qaytarma, itki və tullantılar üzrə mühasibat uçotunun aparılması;
- Əmək haqqı, əlavə iş saatları və növbəli iş rejimi hesablamalarında iştirak;
- Vergi, maliyyə və statistik hesabatlar üçün zəruri məlumatların toplanması;
- İnventarizasiya proseslərində iştirak və nəticələrin uçotda əks etdirilməsi;
- Mühasibat sənədlərinin saxlanması və arxivləşdirilməsinin təmin edilməsi;
- Baş mühasibin tapşırıqlarının vaxtında və düzgün icra edilməsi;
- Yanğın təhlükəsizliyi qaydalarına riayət edilməsi və müvafiq avadanlıqdan düzgün istifadə;
- Bütün fəaliyyətlərdə etik davranış və dürüstlüyün qorunması, qanunsuz əməllərdən uzaq durulması;
- Müəssisə daxilində struktur bölmələrin işinin optimallaşdırılmasına dəstək və əlaqədar şöbələrlə səmərəli kommunikasiyanın təmin edilməsi;
- Müəssisənin biznes yanaşmasına uyğun fəaliyyətin həyata keçirilməsi;
- Daxili kommunikasiya və əməkdaşlıq prosedurlarının icrasında fəal iştirak;
- Qanunvericiliyə uyğun normativlərin idarə edilməsi, hesabat və təhlillərin müntəzəmliyinin təmin edilməsi.
Namizədə Tələblər
- Maliyyə, mühasibatlıq və ya iqtisadiyyat sahəsində ali təhsil;
- Mühasibatlıq üzrə 1-2 il iş təcrübəsi;
- MS Office və 1C ERP proqramları ilə işləmə bacarığı;
- Azərbaycan vergi qanunvericiliyi və vergi məcəlləsi üzrə biliklər;
- Mal-materialların uçotu, analitik təhlil və riyazi hesablama qabiliyyəti;
- İdarəetmə, ünsiyyət və komanda ilə əməkdaşlıq bacarıqları;
- Azərbaycan dilini əla, rus və ingilis dillərini orta səviyyədə bilmək;
- Peşəkar mühasib sertifikatı və ya beynəlxalq mühasibatlıq sertifikatları üstünlük sayılır.
Vakansiya aktiv deyil, son elanlara aşağıdan keçid edin
