Müştəri qəbulu üzrə assistent işi haqqında
Müştəri qəbulu üzrə assistent şirkətdə müştəri xidmətləri proseslərinin səmərəli və yüksək keyfiyyətlə icrasına, müştəri məmnuniyyətinin gücləndirilməsinə və şirkətin strateji hədəflərinə dəstək göstərilməsinə töhfə verir.
Bu vəzifə müştəri müraciətlərinə vaxtında və düzgün cavab verilməsi, xidmət səviyyəsinin artırılması və daxili iş proseslərinin davamlı şəkildə təkmilləşdirilməsi baxımından mühüm rol daşıyır.
Əsas öhdəliklər
- Müştərilərdən daxil olan müraciətləri cavablandırmaq və şirkətə müraciət edən şəxslərə lazımi dəstəyi göstərməklə keyfiyyətli xidmət təqdim etmək;
- Səlahiyyətləri daxilində sığorta hadisələri ilə bağlı müraciətləri ilk müraciət anından ətraflı məlumatlandırma apararaq keyfiyyətli şəkildə həll etmək;
- Proqram təminatında xəta yarandıqda və ya problemli müştəri halları ilə qarşılaşdıqda birbaşa rəhbəri məlumatlandırmaq;
- Müştərilər tərəfindən sığorta qanunvericiliyi ilə bağlı verilən bütün sualları cavablandırmaq;
- Proqram təminatına məlumatları müəyyən edilmiş tələblərə uyğun olaraq tam və dəqiq daxil etmək;
- Gündəlik iş fəaliyyətini şirkətin strategiyası və korporativ dəyərləri ilə uyğun şəkildə həyata keçirmək;
- Gündəlik, həftəlik, aylıq və illik performansın qiymətləndirilməsi və monitorinqi zamanı verilən geribildirimləri qəbul etmək və onların üzərində işləmək;
- İş prosesində aşkar edilən boşluqlar və şübhəli hallar barədə birbaşa rəhbərə hesabat vermək;
- Şöbənin fəaliyyətinin inkişafı və təkmilləşdirilməsi üçün birbaşa rəhbərə yeni ideya və təkliflər təqdim etmək;
- Birbaşa rəhbər tərəfindən tapşırılan digər işləri yerinə yetirmək.
Tələb olunan bilik və bacarıqlar
- Microsoft Office proqramları ilə işləmək bacarığı;
- Effektiv ünsiyyət qurmaq və komanda ilə işləmək bacarığı;
- Dəqiqlik və məsuliyyətli yanaşma;
- Fikirlərini aydın və səlis şəkildə ifadə etmək bacarığı;
- Dəyişən vəziyyətlərdə çevik reaksiya vermək bacarığı;
- Analitik düşüncə və stressə davamlılıq;
- Dil bilikləri: Azərbaycan və rus dilləri.
Təhsil və iş təcrübəsi
- Ali və ya peşə təhsili;
- Müvafiq vəzifə üzrə 1 il iş təcrübəsi, sığorta sahəsində təcrübəsi olan namizədlərə üstünlük verilir.
PAŞA Sığorta ASC-nin təklifi
- Peşəkar və dəstək yönümlü komandada işləmək imkanı;
- Fərdi və peşəkar inkişaf üçün davamlı öyrənmə və təlim imkanları;
- Şirkət daxilində şəffaf və açıq ünsiyyət mühiti;
- “Great Place To Work” sertifikatına malik şirkətdə çalışmaq imkanı.
Vakansiya aktiv deyil, son elanlara aşağıdan keçid edin
