PAŞA Sığorta ASC Bakı şəhərində fəaliyyət göstərən Müştəri Münasibətləri şöbəsində təcrübə proqramı elan edir.
Vəzifənin təsviri
Bu vəzifə daxili və xarici müştərilərə keyfiyyətli xidmət göstərilməsinə dəstək olmaqla yanaşı, Müştəri Münasibətləri şöbəsinin gündəlik əməliyyatlarının icrasında iştirak etməyi nəzərdə tutur. Təcrübəçi avtonəqliyyat vasitələrinə və əmlaka baxış (survey) proseslərinin aparılmasında, eləcə də müqavilə və digər sənədlərin vaxtında hazırlanıb müştərilərə təqdim edilməsində məsuliyyət daşıyacaq. Bu funksiyalar sığorta əməliyyatlarının səmərəli və vaxtında icra olunmasına birbaşa təsir göstərir.
Əsas vəzifə öhdəlikləri
- Daxili və xarici müştərilərlə keyfiyyətli ünsiyyət qurmaq və onlara dəstək olmaq;
- Avtonəqliyyat vasitələri və əmlaklar üzrə baxış (survey) proseslərini həyata keçirmək;
- Baxış aparılmış obyektlərə aid sığorta sənədlərini (şəhadətnamə, ərizə forması, təklif, hesab-faktura) hazırlayaraq müştərilərə çatdırmaq;
- Daxili sorğulara əsasən sığorta sənədlərini (şəhadətnamə, əlavələr və s.) müştərilərə təqdim etmək;
- Birbaşa rəhbərin verdiyi digər tapşırıqları icra etmək.
Tələb olunan bilik və bacarıqlar
- MS Office proqramları, xüsusilə Excel ilə işləmə vərdişi;
- Sığorta qanunvericiliyi sahəsində orta səviyyəli bilik;
- Güclü ünsiyyət qurma qabiliyyəti və komanda daxilində işləmə bacarığı;
- Yüksək məsuliyyət hissi, dəqiqlik və detallara qarşı diqqətlilik;
- Dəyişən şəraitə operativ reaksiya vermə və fikirlərini aydın çatdırma bacarığı;
- Azərbaycan, İngilis və Rus dillərini bilmək.
Təhsil və iş təcrübəsi
- Ali təhsil (Bakalavr dərəcəsi);
- Müvafiq sahədə 0-1 il təcrübə üstünlük hesab olunur.
Şirkətin təklifləri
- Peşəkar inkişaf və karyera irəliləyişi üçün imkanlar;
- Daimi öyrənməyə əsaslanan iş mühiti;
- Şəffaflıq və əməkdaşlığa əsaslanan korporativ mədəniyyət;
- “Great Place To Work” sertifikatına malik şirkətdə çalışma şansı.
Maraqlanan namizədlər “Müraciət et” düyməsindəki link vasitəsilə müraciətlərini təqdim edə bilərlər. Yalnız ilkin seçim mərhələsinin tələblərinə uyğun namizədlərlə əlaqə saxlanılacaq.
