Uğur İndustry MMC nəqliyyat sahəsi üzrə avtomobil elektriki axtarır. Vakansiya Xırdalan şəhərində yerləşir. Bakı və Sumqayıt istiqamətlərindən servis nəqliyyatı ilə çatdırılma təmin edilir.
Tələblər
- Müvafiq sahə üzrə peşə və ya orta ixtisas təhsili;
- Diqqətli, çevik və məsuliyyətli xarakter;
- Təhlil və analiz etmə qabiliyyəti.
Əsas vəzifə öhdəlikləri
- Avtomobilin ümumi texniki vəziyyətini müəyyən etmək üçün ilkin baxış keçirmək;
- Zəruri hissələri, materialları və tətbiq olunacaq təmir prosedurlarını müəyyənləşdirmək;
- Yanacaq, alışdırma və emissiya idarəetmə sistemlərindəki nasazlıqları aşkar etmək;
- Elektron idarəetmə blokunun sınaqlarını apararaq düzgün istismarını təmin etmək;
- Yanacaq vurma sistemlərinin təmiri, texniki xidməti və tənzimlənməsini həyata keçirmək;
- Avtomobil komponentlərini müəyyən edilmiş spesifikasiyalara uyğun nizamlamaq;
- Elektrik sxemlərinin və komponentlərinin işlək vəziyyətini yoxlamaq üçün lazımi sınaqları aparmaq;
- İsitmə, ventilyasiya və kondisioner avadanlıqlarının quraşdırılmasını həyata keçirmək;
- Tormoz sistemlərindəki nasazlıqları aşkar etmək, tənzimləmək və təmir etmək;
- Mühərrik tullantı qazlarının sınaqlarını aparmaq;
- Əl transmissiyası (M/T) və avtomatik transmissiyanın (A/T) elektron hissələrinə texniki xidmət və təmir göstərmək;
- Doldurma, işə salma və işıqlanma sistemi komponentlərinin diaqnostikası, təmiri, texniki xidməti və ya dəyişdirilməsini həyata keçirmək;
- İş prosesində texniki təhlükəsizlik qaydalarına ciddi riayət etmək;
- Vəzifə ilə bağlı digər tapşırıqları yerinə yetirmək.
İş şəraiti və təminatlar
- Əmək haqqı: 1000–1200 AZN (xalis);
- Nahar təminatı;
- Bakı və Sumqayıt şəhərlərindən iş yerinə servis nəqliyyatı;
- Korporativ mobil nömrə.
Vakansiya aktiv deyil, son elanlara aşağıdan keçid edin
