Ağsu şəhərində fəaliyyət göstərən istehsal müəssisəsi NÖC üzrə mühəndis vəzifəsi üzrə işçi axtarır. Vəzifə avtomatika, elektronika və nəzarət-ölçü cihazları sahəsində praktiki biliyə malik, istehsal mühitində müstəqil işləyə bilən mütəxəssislər üçün nəzərdə tutulub.
Əsas vəzifə öhdəlikləri
- Avtomatik idarəetmə və ölçmə cihazlarında aşkar edilən nasazlıqların aradan qaldırılması, təmiri və yenidən işə salınmasının təşkili və ya bu proseslərə nəzarət edilməsi
- İstehsalatda avtomatika və elektronika ilə bağlı texniki problemlərin müəyyənləşdirilməsi və həll edilməsi
- Proses xətalarının təhlil edilməsi və həmin dövr ərzində prosesin müşahidə altında saxlanması
- İstehsal sahəsindəki nəzarət və ölçü cihazları ilə müstəqil şəkildə işləməyin öhdəsindən gəlmək
- Sistemdə yaranan xətaların və qəza mesajlarının təhlil edilməsi, həllinə yönelik qərarların qəbul edilməsi
- Elektron dövrələrdəki aktiv və passiv elementləri bilmək, platalardakı nasazlıqları diaqnostika etmək
- Kritik müdaxilə tələb etməyən bəsit və orta səviyyəli proqram təminatına müdaxilə edilməsi
- İstehsalın fasiləsizliyinin təmin edilməsi və alternativ həll variantlarının təklif olunması
- Nəzarət-ölçü cihazları və avtomatika vasitələrinin texniki baxışının aparılması, qurulması, tənzimlənməsi, sazlanması və işə salınması
- Sadə sxem və blokların zədələnmə, çirklənmə və ya yad element daxilolmalarına görə vizual yoxlanması, təmizlənməsi və lehimləmə işlərinin aparılması
- Texniki baxış planına uyğun olaraq avtomatika cihazlarına vaxtında texniki baxış keçirilməsi
- Aparılan texniki baxış və təmir işlərinin qeydə alınması, müvafiq protokolların hazırlanması
- Fəaliyyət göstərdiyi bölmələrdə bütün nəzarət-ölçü cihazları və avtomatika vasitələrinə önləyici, qabaqlayıcı və bərpaedici prosedurlar, yoxlama siyahıları və təlimatlara uyğun xidmət göstərilməsi
- Avtomatika, telemexanika, NÖC avadanlıqlarının təmir-istismar ehtiyaclarına dair sifarişlərə baxılması, nizama salınması və göndərilməsinin təşkil edilməsi
- Avtomatika vasitələri və nəzarət-ölçü cihazlarının qeyri-dəqiq işləməsindən qaynaqlana biləcək qəza və fövqəladə hadisələrin araşdırılması, profilaktik tədbirlərin hazırlanması
Namizədə olan tələblər
- Texniki istiqamət üzrə ali təhsil (bakalavr)
- Müvafiq sahədə 1-2 il iş təcrübəsi (istehsal sahəsindəki təcrübə üstünlük sayılır)
- Diaqnostika cihazları ilə işləmə və tənzimləmə bacarığı
- Yüksək analitik düşüncə və yeni bilikləri tez mənimsəmə qabiliyyəti
- MS Office proqramlarında sərbəst işləmə bacarığı
- İşdə dəqiqlik, detallara diqqət yetirmə xüsusiyyəti
- İstehsal sahəsində fiziki iş şəraitinə uyğunlaşma imkanı
- Komanda daxilində koordinasiyalı işləmə bacarığı
İş şəraiti
- İş yeri: Ağsu şəhəri
- İş qrafiki: Həftədə 5 iş günü
- Qalacaq yer: Müəssisə tərəfindən təmin edilir
- Əmək haqqı: 1400–1500 AZN
Vakansiya aktiv deyil, son elanlara aşağıdan keçid edin
