Növbətçi-elektrik montyoru

Sumqayıtda Azerfloat QSC üçün növbətçi elektrik montyoru vakansiyası üzrə müvafiq təcrübəyə malik namizədlər axtarılır.

Vəzifə və öhdəliklər

• Növbə müddətində zavodun elektrik təchizatı sisteminin və elektrik avadanlıqlarının fasiləsiz, etibarlı və sabit işləməsinə nəzarət etmək;
• Elektrik qurğularının iş rejimini növbə boyu izləmək və əsas göstəricilərə operativ nəzarəti təmin etmək;
• Təsdiqlənmiş qrafik əsasında elektrik avadanlıqlarına profilaktik baxış keçirmək və texniki qulluq işlərini yerinə yetirmək;
• Elektrik ölçü cihazları ilə parametrləri ölçmək, nəticələri qiymətləndirmək və aşkar edilən qüsurlar barədə vaxtında düzgün məlumat vermək;
• Elektrik avadanlıqlarında yaranan nasazlıqları operativ şəkildə aşkarlamaq və aradan qaldırmaq;
• Operativ jurnalları dəqiq aparmaq və növbə üzrə məsul şəxslərin tapşırıqlarını vaxtında, keyfiyyətlə icra etmək;
• Qəza və bədbəxt hadisələrin qarşısını almaq məqsədilə texniki təhlükəsizlik, yanğın təhlükəsizliyi və texniki istismar qaydalarına ciddi əməl etmək.

Tələblər

• Elektrik mühəndisliyi, elektroenergetika və ya oxşar sahə üzrə ali və ya orta ixtisas təhsili;
• Müvafiq istiqamətdə minimum 3-5 il iş təcrübəsi;
• Elektrik təhlükəsizliyi üzrə və ya digər uyğun ixtisas sertifikatlarının olması arzuolunandır;
• Məsuliyyətli və diqqətli olmaq;
• Növbəli iş rejimində və stress altında işləmə bacarığı;
• Operativ qərar vermək və komanda ilə işləmək bacarığı;
• Yüksək intizam və məsuliyyət hissi;
• İşdə dəqiqlik və detallara diqqət yetirmək bacarığı.

İş şəraiti

• İş yeri: Sumqayıt;
• İş qrafiki: növbəli;
• Nahar pulu;
• Servis xidməti;
• Könüllü tibbi sığorta;
• Əmək haqqı: namizədin bilik və bacarığına əsasən müsahibə zamanı müəyyən ediləcək.

Müraciət qaydası

Mövzu hissəsində “növbətçi elektrik montyoru” qeyd edilməklə müraciətinizi elanla göstərilən elektron poçt ünvanına göndərməyiniz xahiş olunur.