Qarabağ Universiteti “Tarix” və “Dövlət və ictimai münasibətlər” ixtisasları üzrə Proqram rəhbəri vəzifəsi üçün namizədlərin müraciətlərini qəbul edir. Vəzifə akademik idarəetmə, proqram planlaşdırması və liderlik bacarıqları tələb edir.
Vəzifə öhdəlikləri
- Proqram üzrə akademik, elmi və inzibati fəaliyyətin təşkili və idarə edilməsinə rəhbərlik etmək
- Təhsil proqramı, tədris planı, sillabus və digər zəruri tədris sənədlərinin hazırlanmasını təmin etmək
- Proqram üzrə keyfiyyət təminatı tədbirlərinin həyata keçirilməsini təmin etmək
- Fakültə və universitetin müvafiq struktur bölmələri ilə əlaqəli fəaliyyət göstərmək
- İllik hesabatların, fəaliyyət planlarının və inkişaf təkliflərinin hazırlanmasını təmin etmək
Namizədlərə tələblər
- Proqram profilinə uyğun sahə üzrə fəlsəfə doktoru elmi dərəcəsi
- Ali təhsil müəssisəsində elmi-pedaqoji və idarəetmə sahəsində iş təcrübəsi
- Təhsil proqramlarının təşkili və idarə edilməsi sahəsində bilik
- Təhsil sahəsinə aid normativ-hüquqi sənədlər və hesabatlarla işləmək bacarığı
- Akademik planlaşdırma və təşkilatçılıq bacarıqları
- Liderlik, qərar qəbul etmə və komanda ilə işləmək bacarığı
- Azərbaycan dilində yüksək səviyyədə şifahi və yazılı ünsiyyət bacarığı
- İngilis dilində minimum C1 səviyyəsində şifahi və yazılı ünsiyyət bacarığı
- Beynəlxalq əməkdaşlıq, layihə fəaliyyəti və ya akkreditasiya təcrübəsi üstünlük sayılır
Tələb olunan sənədlər
- CV (ingilis dilində)
- Ali təhsil, elmi dərəcə və elmi ad haqqında sənədlərin surətləri
- Elmi və elmi-metodiki işlərin siyahısı
- Motivasiya məktubu (maksimum 500 söz)
İş şəraiti
- Rəqabətəuyğun əməkhaqqı
- Elmi-tədqiqat mühiti
- Xankəndidə mənzillə təminat
- Akademik inkişaf imkanları
- Ekoloji cəhətdən təmiz şəhər mühiti
Qeydlər
Müraciət məktubunun mövzu hissəsində “Proqram rəhbəri vakansiyası” ifadəsi mütləq qeyd edilməlidir. Yalnız seçim meyarlarına cavab verən namizədlərlə əlaqə saxlanılacaq. Maraqlanan namizədlər CV-lərini elanda göstərilən elektron poçt ünvanına göndərə bilərlər.
