Proqramçı

Daxili ERP sisteminin modul və servislərinin inkişaf etdirilməsi, yeni funksionallıqların hazırlanması və mövcud həllərin optimallaşdırılması üçün .NET Proqramçı vəzifəsi üzrə vakansiya elan olunur. Vəzifə ASP.NET Core MVC/Web API, Entity Framework Core və MS SQL Server üzərində inkişaf, inteqrasiyalar, testlər və komanda daxilində texniki əməkdaşlıq proseslərini əhatə edir.

Vəzifə öhdəlikləri

• Daxili ERP platformasının modul və servislərini təkmilləşdirmək, yeni funksiyaların hazırlanmasında iştirak etmək;
• ASP.NET Core MVC və Web API layihələrində inkişaf işlərini aparmaq, kod optimizasiyası və refaktorinq həyata keçirmək;
• Entity Framework Core ilə məlumat modelinin qurulması, migrasiyaların idarə edilməsi və performans tənzimləmələrini yerinə yetirmək;
• MS SQL Server mühitində kompleks sorğular, stored procedure-lar və indeks optimizasiyası üzərində işləmək;
• REST API inteqrasiyalarını həyata keçirmək (JWT, Swagger), üçüncü-tərəf servislərlə bağlantıları qurmaq və dəstəkləmək;
• UI hissəsində Razor Views, JavaScript/jQuery, HTML5/CSS3 ilə işləmək və mövcud interfeysləri təkmilləşdirmək;
• Unit və integration testlərin yazılmasını təmin etmək, code review proseslərində iştirak etmək;
• CI/CD pipeline-larda build və release mərhələlərinə dəstək vermək;
• Tələblərin analizi, texniki sənədləşdirmə və komanda daxilində koordinasiyalı əməkdaşlıq aparmaq;
• SOLID, Clean Architecture və laylı arxitektura yanaşmalarına uyğun inkişaf prosesini qorumaq.

Namizədə tələblər

• 3–5 il C# və .NET/ASP.NET Core üzrə iş təcrübəsi (.NET 6+ arzuolunandır);
• ASP.NET Core MVC, Razor Views və Web API üzrə güclü bilik və praktiki bacarıq;
• Entity Framework Core, LINQ və MS SQL Server ilə iş təcrübəsi;
• Frontend əsasları: HTML5, CSS3, JavaScript (ES6+) və jQuery ilə işləmə bacarığı;
• Git ilə peşəkar iş təcrübəsi, branching strategiyaları və PR proseslərinə bələdlik;
• Swagger/NSwag, AutoMapper və FluentValidation ilə işləmə təcrübəsi;
• Ən azı orta səviyyədə Docker və konteynerləşdirmə anlayışı;
• Komanda işi, məsuliyyətlilik və nəticəyönümlülük, texniki ingilis dili.

Üstünlük verilir

• ERP layihələrində real iş təcrübəsi (xüsusən maliyyə, satınalma, anbar, satış modulları);
• Tikinti sektorunda biznes prosesləri barədə anlayış (mərhələli tikinti, təchizat zənciri və s.);
• DevExpress komponentləri ilə iş təcrübəsi;
• Blazor, React və ya digər müasir JavaScript framework-ləri üzrə biliklər;
• Dapper, MediatR, CQRS və Clean Architecture yanaşmaları ilə iş təcrübəsi;
• WPF/WinForms mühitində mövcud desktop modulların dəstəklənməsi bacarığı;
• Performance profiling (APM), caching (Redis) və asinxron prosesləşdirmə (Background Services, Hangfire) üzrə təcrübə.

İş şəraiti

• İş qrafiki: 6 günlük iş rejimi (şənbə yarım iş günü);
• İş yeri: Bakı şəhəri, Hüseynbala Əliyev 15;
• Əmək haqqı: 2000–2500 AZN.