Landau School 9-11 Hazırlıq Məktəbi (Gənclik) məktəb psixoloqu vəzifəsi üzrə tam ştat əməkdaş axtarır. Bu rol şagirdlərin psixoloji sağlamlığının izlənməsi, diaqnostika, fərdi və qrup dəstəyinin təşkili, habelə müəllim və valideynlərlə əməkdaşlığı əhatə edir.
Vəzifə öhdəlikləri
- Şagirdlərin dərs və dərsdənkənar mühitdə, adaptasiya dövrü də daxil olmaqla, psixoloji cəhətdən müşahidə edilməsi;
- Müraciətlər əsasında idrak, emosional-iradi və şəxsiyyət xüsusiyyətlərinin psixoloji diaqnostikasının aparılması;
- Emosional, davranış və sosial sahələrdə yaranan çətinliklərin aşkar edilməsi və müvafiq psixoloji dəstəyin təmin edilməsi;
- Zorakılığın profilaktikası, münaqişələrin idarəsi və kommunikasiya bacarıqlarının inkişafı istiqamətlərində psixoloji təlim və məşğələlərin keçirilməsi;
- Valideynlərə, müəllimlərə və məktəb rəhbərliyinə şagirdlərlə ünsiyyət və dəstək strategiyaları barədə psixoloji məsləhətlərin verilməsi;
- Şagirdlərin maraq və meyllərinin müəyyənləşdirilməsi, peşəyönümlü inkişaflarına dəstək göstərilməsi;
- Bullinq, məktəb psixoloqunun rolu və digər mövzularda valideynlər üçün maarifləndirici görüş və təlimlərin təşkil edilməsi;
- Görülmüş işlər üzrə lazımi sənədləşmənin aparılması və hesabatların hazırlanaraq təqdim edilməsi;
- Müəllimlərin psixoloji rifahının qorunması məqsədilə fərdi məsləhət sessiyalarının həyata keçirilməsi.
Namizədə olan tələblər
- Psixologiya, Sosiologiya və ya Sosial İş ixtisası üzrə ali təhsil;
- Yeniyetmə psixologiyası və ya yeniyetmələrlə iş sahəsində 2-4 il praktik iş təcrübəsi;
- Azərbaycan və rus dillərində sərbəst şifahi və yazılı ünsiyyət bacarığı;
- Şagird və valideynlərlə effektiv əlaqə qurma qabiliyyəti;
- Psixoloji konsultasiya və diaqnostika metodlarını tətbiq etmək bacarığı;
- Empatiya, aktiv dinləmə və müşahidə qabiliyyəti;
- Münaqişəli vəziyyətləri idarə etmək və stressə davamlılıq;
- MS Office proqramları ilə sərbəst işləmək bacarığı.
İş şərtləri
- Azərbaycan Respublikası Əmək Məcəlləsinə uyğun rəsmi sənədləşmə;
- İş qrafiki: həftənin 5 günü, saat 08:00–17:00;
- Peşəkar inkişaf imkanları;
- Push xidmətlərindən 30-dan 75%-ə qədər endirim imkanı;
- Uşaqlar üçün məktəb endirimlərindən yararlanma imkanı;
- İş yeri: Landau School 9-11 Hazırlıq Məktəbi, Gənclik.
Müraciət
Vakansiya tam ştat formatındadır. Maraqlanan namizədlər elanda göstərilən link vasitəsilə müraciət edə bilərlər.
