Metropolitenin qatar maşinistliyi üzrə peşə təcrübə proqramına qəbul elan olunur.
Proqram sizə nə qazandıracaq?
- 6 ay davam edən nəzəri və praktiki baxımdan zəngin intensiv təlim;
- Peşəkar mühitdə real iş təcrübəsi və mentor dəstəyi;
- Təcrübə müddətində aylıq əmək haqqı;
- Təcrübənin sonunda daimi işə qəbul imkanı;
- Nəqliyyat sahəsində uzunmüddətli və sabit karyera inkişafı.
Seçim prosesi necə aparılır?
- İxtisas üzrə test imtahanı;
- Ətraflı müsahibə;
- Psixoloji dayanıqlılıq və qərarvermə qabiliyyətini yoxlayan testlər;
- Sağlamlıq haqqında tibbi arayışın təqdim olunması.
Sizi hansı öhdəliklər gözləyir?
- Qatarların idarə olunması üzrə nəzəri biliklərin mənimsənilməsi, o cümlədən hərəkət mexanizmləri, elektrik sistemləri və idarəetmə prinsipləri;
- Qatar maşinistinin gündəlik fəaliyyət qaydaları, təhlükəsizlik protokolları və təlimatları ilə tanışlıq;
- Məlumatların qeydiyyatı, nəzarət cihazlarından istifadə və siqnal sistemlərinin işləmə mexanizminin öyrənilməsi;
- Praktiki təlimlər çərçivəsində simulyasiya və ya real vəziyyətlərdə maşinist köməkçisi kimi müşahidə və iştirak;
- Fövqəladə və qəza hallarında davranış qaydalarının öyrənilməsi;
- Simulyator, qəza oyunları və praktiki məşğələlər vasitəsilə real iş situasiyalarına hazırlıq;
- Peşəyə uyğun psixoloji və fiziki hazırlıq vərdişlərinin formalaşdırılması.
Namizədlərdən tələblərimiz
- Yaş həddi: 22-35;
- Ali texniki, orta texniki və ilk peşə ixtisaslı təhsil üstünlükdür;
- Dəqiq və məsuliyyətli olmaq;
- Operativlik və yüksək iş intizamı.
Metropoliten sizə nə təklif edir?
- Sabit və etibarlı iş mühiti;
- Peşəkar komandada inkişaf və karyera imkanları;
- Metropolitendən ödənişsiz istifadə imkanı;
- Güzəştli nahar təminatı;
- Bilgəh Sağlamlıq Mərkəzi və əməkdaşlıq etdiyimiz sanatoriyalarda güzəştli istirahət imkanı;
- Psixoloji dəstək xidməti.
Vakansiyaya müraciət
Vakansiyaya müraciət etmək üçün Metropolitenin hr.metro.gov.az portalında qeydiyyatdan keçərək müvafiq vakansiya linki ilə https://hr.metro.gov.az/vacancy/5650 ünvanından müraciətinizi tamamlaya bilərsiniz.
Uğurlar!
