Qrafik dizayner

Qrafik dizayner axtarırıq: məhsul retuşu, sosial media vizualları və çap materialları üzərində işləyəcək yaradıcı mütəxəssis tələb olunur.

Niyə bu vəzifə?

Camal LTD 1998-ci ildən fəaliyyət göstərir və öz istehsalı olan Iceland dondurmaları ilə yanaşı Mars, Snickers, Twix, Oreo, Milka, Alpen Gold, McCain, Bonduelle və London Dairy kimi beynəlxalq brendlərin rəsmi distributorudur. Yeni formalaşan marketinq komandamız üçün məhsul fotolarını peşəkar şəkildə emal edən, onları kataloq, sayt və çap materiallarına uyğunlaşdıran, eyni zamanda sosial media üçün kreativ vizuallar hazırlayan qrafik dizayner axtarırıq. Əsas istiqamət statik dizayndır, lakin video montaj, motion və foto çəkiliş bacarıqları olan namizədlər bu sahələrdə də inkişaf imkanına malik olacaqlar.

Vəzifə öhdəlikləri

• Çəkilmiş məhsul fotolarını, həm qablaşdırılmış, həm də açıq formada olan görüntüləri retuş etmək, fonunu ayırmaq, rəng və işıq balansını standartlaşdırmaq.
• Məhsul şəkilləri əsasında vahid vizual üslub formalaşdırmaq və bu bazanı idarə etmək.
• Sosial media üçün post, story, karusel və reklam vizualları hazırlamaq, kampaniyalar üçün konseptlər işləmək.
• B2B və B2C kataloqları, bukletlər və digər çap materiallarını dizayn etmək və maketləmək.
• Banner, poster, lightbox və mağaza daxili reklam materiallarını hazırlamaq.
• Sayt üçün məhsul şəkilləri və vizual elementlər yaratmaq.
• Marketinq komandası ilə birgə kreativ ideyaların hazırlanmasında iştirak etmək.
• Bütün materialların brendbuk və partnyor brendlərin vizual qaydalarına uyğun olmasını təmin etmək.
• Çap evləri ilə fayl hazırlığı və texniki uyğunlaşdırma prosesində işləmək.

Tələblər

• Qrafik dizayn sahəsində minimum 1 il iş təcrübəsi.
• Adobe Photoshop proqramında yüksək səviyyədə retuş və fon ayırma (clipping path) bacarığı.
• Adobe Illustrator və InDesign proqramlarını yüksək səviyyədə bilmək.
• Çoxsəhifəli kataloq və çap materiallarının maketlənməsi təcrübəsi.
• Çap üçün fayl hazırlığı qaydalarını bilmək: CMYK, bleed, çözünürlük və rəng profilləri.
• Kreativ düşüncə, detallara diqqət və vaxtın düzgün idarə olunması.
• Portfolio təqdim etmək məcburidir, məhsul retuşu, çap və sosial media işləri nümunələri olmalıdır.

Üstünlük hesab olunur

• Reklam agentliyində (Digital/Creative Agency) ən az 2 il iş təcrübəsi.
• FMCG və ya qida sektorunda məhsul vizualları üzrə təcrübə.
• Sosial media trendlərini izləmək və vizual trendləri layihələrdə tətbiq etmək bacarığı.
• Qısa video montaj və motion dizayn bacarığı: CapCut, Premiere Pro, After Effects.
• Məhsul foto və video çəkilişi üzrə praktiki biliklər.
• AI alətləri ilə təcrübə: Adobe Firefly, Freepik AI, Midjourney, Higgsfield və s.
• Figma bilikləri.

İş şəraiti

• Əmək haqqı: 1200–1300 AZN (gross), portfolio və təcrübəyə əsasən.
• İş qrafiki: 6 günlük.
• Nahar və korporativ mobil nömrə şirkət tərəfindən təmin olunur.
• Ünvan: Sulutəpə qəs., R.Allahverdiyev küç., döngə 9/21D

Müraciət qaydası

Namizədlər CV və portfolio linkini göndərməlidirlər. Maraqlanan şəxslər öz CV-lərini Müraciətet düyməsində qeyd olunan elektron poçt ünvanına yönləndirə bilərlər.