Qrafik & motion dizayner

Bakıda qrafik dizayn və motion design sahəsində işləmək istəyən mütəxəssis axtarılır.

Vəzifə haqqında

Honours Academy komandası vizual kommunikasiyanın daha güclü, cəlbedici və yadda qalan formada təqdim olunması üçün Qrafik & Motion dizayner axtarır. Bu rol marketinq fəaliyyətlərinin dizayn tərəfini dəstəkləmək, vizual materiallar hazırlamaq və auditoriya ilə estetik baxımdan effektiv əlaqə qurmaq baxımından vacibdir.

Namizəddən yalnız verilən tapşırıqları yerinə yetirmək deyil, məsələni düzgün təhlil etmək, daha səmərəli həll təklif etmək, AI texnologiyalarından istifadə etməklə iş prosesini sürətləndirmək və yekun nəticənin keyfiyyətini artırmaq gözlənilir.

Əsas vəzifə öhdəlikləri

• Sosial media, reklam, təqdimat və digər promo materiallar üçün kreativ və peşəkar qrafik dizaynların hazırlanması;
• Rəqəmsal kampaniyalar və sosial media üçün motion design və animasiyaların hazırlanması;
• Marketinq komandası ilə sıx əməkdaşlıq edərək brendə uyğun yaradıcı layihələrin icrası;
• Bütün materiallarda vizual üslubun və brend tərzinin qorunması;
• Paralel bir neçə layihənin vaxtında və keyfiyyətli tamamlanması;
• Qrafik və motion design sahəsində trendləri izləmək və iş prosesinə tətbiq etmək.

Tələblər

• Adobe Creative Suite proqramları, o cümlədən Illustrator, Photoshop, After Effects və Premiere Pro ilə sərbəst işləmə bacarığı;
• Həm qrafik, həm də motion dizayn bacarıqlarını göstərən güclü portfolio;
• Estetik yanaşma, detallara diqqət və yaradıcı düşüncə;
• Tapşırıqları vaxtında və məsuliyyətlə icra etmək bacarığı;
• Komanda ilə effektiv işləmək vərdişi;
• AI alətlərindən istifadə etməklə kreativ ideyalar və vizual konseptlər inkişaf etdirmək, dizayn və motion alternativləri hazırlamaq, eləcə də yaradıcı iş proseslərini sürətləndirmək və optimallaşdırmaq üzrə praktiki bacarıq;
• Tapşırığı yalnız icra etmək deyil, daha effektiv icra üsulu təklif etmək bacarığı;
• Məlumatı araşdırmaq, müqayisə etmək və düzgün nəticə çıxarmaq bacarığı.

AI üzrə gözləntimiz

Namizədin sadəcə “ChatGPT istifadə edirəm” deməsi kifayət etmir.

Bizim üçün önəmli olan prosesdir: problemi AI ilə düzgün analiz etmək, uyğun prompt və yanaşma qurmaq, nəticəni yoxlamaq, təkmilləşdirmək və yekunda real işə tətbiq etmək.

Namizəd müxtəlif AI alətlərindən istifadə etməklə işinin daha sürətli, daha keyfiyyətli və daha effektiv görülməsini təmin etməyi bacarmalıdır.

Biz kim axtarırıq?

Hazır biliklərlə kifayətlənməyən, öyrənməyi bacaran və özünü daim inkişaf etdirən mütəxəssis axtarırıq.

Əgər siz yeni texnologiyaları sınamağı sevirsinizsə, AI alətlərindən aktiv istifadə edirsinizsə, problemi görəndə həll yolu düşünürsünüzsə, “bunu necə daha yaxşı etmək olar?” sualını verirsinizsə, analitik və kreativ düşünürsünüzsə, yeni alətləri müstəqil öyrənə bilirsinizsə və nəticəyə fokuslanırsınızsa, sizi komandamızda görmək istəyirik.

Təklif etdiyimiz imkanlar

• Yaradıcı və dinamik komanda mühiti;
• Portfolio və bacarıqları göstərmək üçün real və təsirli layihələr;
• Rəqabətli əmək haqqı və nəticəyə əsaslanan mükafatlandırma sistemi;
• Davamlı peşəkar inkişaf və daxili böyümə imkanları.

İş qrafiki

• Həftədə 5 gün (Bazar ertəsi – Cümə);
• İş saatları: 10:00 – 19:00;
• İstirahət günləri: Şənbə və Bazar;
• Kampaniya, tədbir və xüsusi layihə dövrlərində iş qrafikində ehtiyaca uyğun dəyişiklik edilə bilər.

Əməkhaqqı

Əməkhaqqı namizədin bilik, bacarıq və təcrübəsinə əsasən qarşılıqlı razılaşma yolu ilə müəyyən ediləcək.

Müraciət qaydası

CV və qısa motivasiya məktubunuzu mövzu hissəsində “Qrafik & Motion dizayner” qeyd etməklə Müraciət et düyməsində göstərilən elektron poçt ünvanına göndərməyiniz xahiş olunur. Yalnız seçilmiş namizədlərlə əlaqə saxlanılacaq.