Qrup rəhbəri

“İnternational” BOKT ASC Bakı və region filialları üzrə Qrup rəhbəri vəzifəsinə işçi qəbulu elan edir. Bu vəzifə maliyyə sektorunda karyera qurmaq istəyən namizədlər üçün əla fürsətdir.

Vəzifə öhdəlikləri

• Filialın işçi heyətinin idarə olunmasını təmin etmək;
• Filial əməkdaşlarının peşəkarlıq səviyyəsini və bilik bazasını inkişaf etdirmək üçün mütəmadi iş aparmaq;
• Filialın müştəri bazasının genişləndirilməsi məqsədilə yeni təkliflər planı hazırlamaq və tətbiq etmək;
• Filialın kredit portfelinin idarə olunmasına və maliyyə əməliyyatlarının nəzarətinə cavabdehlik daşımaq;
• Marketinq fəaliyyətlərinin planlaşdırılmasında və icrasında iştirak etmək;
• Müştərilərlə uzunmüddətli əməkdaşlığı təmin etmək məqsədilə operativ xidmət göstərmək, daxil olan müraciət və şikayətləri vaxtında araşdırmaq.

Əmək haqqı

700-1200 AZN aralığında baza əmək haqqı təklif olunur. Əlavə olaraq, əmək haqqının iki mislinə qədər və daha çox bonus qazanmaq imkanı mövcuddur.

Namizədə tələblər

• Müvafiq sahədə minimum 24 ay iş təcrübəsi;
• Ali və ya natamam ali təhsil;
• Həm fərdi, həm də komanda daxilində səmərəli işləmə bacarığı;
• Kişi namizədlərə üstünlük verilir;
• Bank və ya qeyri-bank kredit təşkilatlarında (kredit mütəxəssisi) yaxud lombardlarda iş təcrübəsi olan namizədlərə üstünlük verilir;
• Yüksək səviyyədə ünsiyyət qurma və müştərilərlə effektiv işləmə qabiliyyəti;
• Microsoft Office (Word, Excel) proqramlarından sərbəst istifadə bacarığı.

Yalnız tələblərə uyğun sayılan namizədlərlə əlaqə saxlanılacaq. CV-nizin mövzu hissəsində vəzifənin adını və müraciət etmək istədiyiniz filialı qeyd edin (məsələn, “Qrup rəhbəri, Əhmədli filialı” və ya “Qrup rəhbəri, Astara filialı”). CV-lərinizi “Müraciət et” düyməsində göstərilən elektron poçt ünvanına göndərməyinizi xahiş edirik.