Bakıda qüllə kran operatoru vakansiyası üzrə çalışacaq mütəxəssis axtarılır. Bu iş kranın təhlükəsiz və dəqiq idarə olunmasını tələb edir.
Vəzifə barədə
Bölmə: Nəqliyyat və Ağır Tikinti Texnikaları bölməsi
Tabe olduğu vəzifə: Bölmə Rəhbəri
İş rejimi: Tikinti sahəsinin cədvəlinə uyğun
İşin xarakteri: Kran işi ilə bağlı sahə işi
Vəzifənin məqsədi
Qüllə kran operatoru tikinti sahəsində qüllə kranın təhlükəsiz, dəqiq və səmərəli şəkildə idarə olunmasına cavabdehdir. O, yüklərin planlaşdırılmış marşrut üzrə qaldırılması, daşınması və endirilməsini təmin etməli, kranın texniki vəziyyətinə, yük diaqramlarına və əmək təhlükəsizliyi qaydalarına ciddi əməl etməlidir.
Əsas vəzifə və öhdəliklər
- İşə başlamazdan əvvəl kranın vizual və funksional yoxlanışını aparmaq: əyləclər, kanatlar, hidravlik və elektrik sistemləri, hava xəbərdarlıq işıqları, siqnalizasiya.
- Yükün çəkisini, qaldırma radiusunu və hündürlüyünü nəzərə alaraq kranı yük diaqramına uyğun istifadə etmək.
- Yükləri müəyyən edilmiş marşrut üzrə təhlükəsiz şəkildə qaldırmaq, daşımaq və dəqiqliklə yerləşdirmək.
- İlməkçi (rigger/slinger) və işarəçi (signalman) ilə radio rabitəsi və ya standart əl işarələri vasitəsilə fasiləsiz əlaqə saxlamaq.
- Hava şəraitini, o cümlədən külək sürətini, görünürlüyü və yağıntını daim izləmək; təhlükəli hava olduqda işi dərhal dayandırmaq.
- Kranın SWL (Safe Working Load) həddini aşmamaq, ikiqat asma (double slinging) və çəkisi məlum olmayan yüklərlə işləməmək.
- Gündəlik istismar jurnalını dəqiq doldurmaq, aşkar edilən nasazlıqları dərhal mexanik xidmətə və rəhbərliyə bildirmək.
- Planlı texniki xidmət, baxış və təmir proseslərində texniki heyətə lazım olan dəstəyi göstərmək.
- İş icazəsi (Permit to Work) tələb olunan zonalarda işə yalnız müvafiq icazə olduqda başlamaq.
- İstismar zonasında insanların və avadanlığın təhlükəsizliyini təmin etmək, yükü heç vaxt insanların üzərindən keçirməmək.
- Növbə sonunda kranı təhlükəsiz vəziyyətə gətirmək: park mode, əyləclər aktiv, qarmaq yuxarı qaldırılmış.
- Əmək təhlükəsizliyi (OHS/HSE) qaydalarına və şəxsi mühafizə vasitələrindən istifadə tələblərinə tam riayət etmək.
Tələb olunan bilik və bacarıqlar
- Qüllə kranın konstruksiyası, iş prinsipi və idarəetmə sistemləri üzrə dərin bilik.
- Yük diaqramlarını və texniki sənədləri düzgün oxumaq və tətbiq etmək bacarığı.
- Standart əl işarələri kodlarını bilmək.
- Radio rabitə vasitələrindən səmərəli istifadə bacarığı.
- Fövqəladə hallarda sürətli və düzgün qərar vermək qabiliyyəti.
- Yüksək diqqətlilik, məsuliyyət hissi və komanda daxilində işləmək bacarığı.
Təhsil, təcrübə və sertifikatlar
- Orta-texniki və ya peşə təhsili.
- Qüllə kran operatoru üzrə müvafiq dövlət lisenziyası və ya sertifikatı.
- Beynəlxalq sertifikatın olması üstünlük hesab olunur.
- Minimum 5 il oxşar sahədə, yəni tikinti kranı üzrə təsdiqlənmiş iş təcrübəsi.
Fiziki və tibbi tələblər
- Hündürlükdə işləmək bacarığı və hündürlük fobiyasının olmaması.
- Yaxşı görmə və eşitmə qabiliyyəti, normal reaksiya sürəti.
- İllik tibbi müayinədən keçmək və işə yararlılıq arayışına sahib olmaq.
- Alkoqol və narkotik maddələrdən azad olmaq, mütəmadi yoxlamalara tabe olmaq.
İş şəraiti
- İş açıq havada, müxtəlif hava şəraitində və hündürlükdə, kran kabinəsində yerinə yetirilir.
- Növbəli iş qrafiki tikinti sahəsinin planına uyğun müəyyən olunur.
- İşəgötürən tərəfindən müvafiq şəxsi mühafizə vasitələri təmin edilir.
Müraciət qaydası
Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.
