Mingəçevir üzrə Risklərin idarə edilməsi mütəxəssisi vakansiyası üçün müraciətlər qəbul olunur. Bu vəzifədə risklərin təhlili, qiymətləndirilməsi, hesabatlandırılması və nəzarət prosesləri həyata keçiriləcək.
Vəzifə öhdəlikləri
- Riskləri təhlil etmək və onların başvermə ehtimalını dəyərləndirmək;
- Risk xəritələrini hazırlamaq və riskləri öncülləşdirmək;
- Risklərin təsirini azaltmaq üçün uyğun tədbirləri planlaşdırmaq və icra etmək;
- Risklərlə bağlı məlumat bazasını mütəmadi yeniləmək;
- Risklərin idarə olunmasına dair hesabatları hazırlamaq və rəhbərliyə təqdim etmək;
- Risk idarəetməsi proseslərinin və hesabatlılıq sisteminin düzgün qurulmasına nəzarət etmək;
- Şirkət daxilində risklərin idarə olunması subyektləri arasında əlaqələndirməni təşkil etmək;
- Risklərin müəyyənləşdirilməsi, təhlili və prioritetləşdirilməsi üçün lazım olan sənədləri toplamaq və araşdırmaq;
- Risk idarəetməsi üzrə limitlər, səlahiyyətlər və risk indikatorları ilə bağlı təkliflər hazırlamaq;
- Üçüncü tərəf təchizatçıların risk qiymətləndirilməsi və yoxlamalarının koordinasiyasını aparmaq;
- Risk idarəetmə prosesinə daimi monitorinq tətbiq etmək;
- Bərpaedici tədbirlərin həyata keçirilməsinə və daxili nəzarətin gücləndirilməsinə dəstək vermək;
- “Prime Cotton” MMC qurumlarının və əməkdaşlarının fəaliyyətini və ya fəaliyyətinin bir hissəsini əks etdirən məlumatların, müvafiq baza, qeydiyyat kitabları, sənədlər, hesabatlar, icmal məlumatlar, protokollar, aktlar və sənəd dövriyyəsinin normativ-hüquqi sənədlər və etibarlı məlumatlarla tutuşdurulması zamanı yarana biləcək risklərin qarşısını almaq üçün risk matrisaları hazırlamaq;
- Yoxlamalar üzrə elektron mətnlərin, cədvəllərin və məntiqi təhlillərin aparılması üçün risk səviyyəsinin dəyərləndirilməsi hesabatlarının hazırlanmasına əsas yaratmaq;
- Risk işinin sistemləşdirilməsi və təkmilləşdirilməsi üzrə təkliflər irəli sürmək.
Tələblər
- Ali təhsil (Statistika, Riyaziyyat, Ekonometrika, Riyazi maliyyə və ya İqtisadiyyat istiqaməti üzrə);
- Statistik və ya riyazi modelləşdirmə sahəsində təcrübə, həmçinin analoji sahədə minimum 3 il iş təcrübəsi;
- Azərbaycan dilini əla, ingilis və rus dillərini yaxşı səviyyədə bilmək;
- Riyazi və texniki məlumatları təhlil edib dəyərləndirmək bacarığı;
- Məlumat strukturları, alqoritmlər və riyazi problemlərin həlli üzrə bilik və bacarıq;
- Excel və Power BI bilikləri;
- Məlumatların məxfiliyini qorumaq bacarığı;
- Analitik düşünmə və təhlil etmə qabiliyyəti;
- Tapşırıqları vaxtında yerinə yetirmək, problemləri operativ həll etmək, yüksək ünsiyyət və davranış keyfiyyətlərinə sahib olmaq;
- Müntəzəm işgüzar səfərlərdə iştirak etməyə hazır olmaq.
Vakansiya haqqında
Vakansiya növü: Tam ştat
Maraqlanan namizədlər “Müraciət et” düyməsində göstərilən link vasitəsilə müraciət edə bilərlər.
