Şirkətimiz tikinti sahəsində sahə mühəndisi vəzifəsi üzrə müraciətlər qəbul edir. Vəzifə, tikinti-quraşdırma işlərinin layihə sənədlərinə uyğun icrasına nəzarəti, texniki sənədləşməni və subpodratçı təşkilatlarla koordinasiyanı əhatə edir.
Vəzifə öhdəlikləri
- Tikinti normalarına uyğun olaraq tələb olunan bütün qeydiyyat jurnallarının və daxili sənədləşmənin aparılması; laboratoriya sınaqlarının həyata keçirilməsi; mərhələlər üzrə gizli işlər aktlarının tərtib edilməsi; tikinti sahəsinə daxil olan mal və materialların layihə-smeta sənədlərinə, habelə müvafiq sertifikatlara uyğunluğuna nəzarət edilməsi.
- Sifarişçinin tələbi əsasında müqavilədə nəzərdə tutulmuş iş icra metodologiyalarının, iş qrafiklərinin, gündəlik, həftəlik və aylıq hesabatların, iclas protokollarının və icraya dair arayışların vaxtında hazırlanmasına nəzarətin təmin edilməsi.
- Ərazidə aparılan tikinti işlərinin layihə tələblərinə uyğunluğuna sistematik nəzarət edilməsi.
- Tikinti-quraşdırma işlərinin təsdiqlənmiş vaxt planı çərçivəsində yerinə yetirilməsinə nəzarətin həyata keçirilməsi.
- İş qrafikindən hər hansı bir kənarlaşma aşkar edildikdə prosesin təhlil edilməsi və müvafiq tədbirlər planının hazırlanması.
- Subpodrat təşkilatlar tərəfindən təqdim edilən yerinə yetirilən işlər haqqında Arayışın (Forma 2) müqavilə şərtlərinə və layihə-smeta sənədlərinə uyğunluğunun yoxlanılması.
- Aylıq texniki hesabatların və Forma 2 arayışlarının hazırlanaraq Sifarişçi ilə razılaşdırılması.
- Məsul olduğu sahə üzrə tikinti və quraşdırma işlərinin inşaat norma və qaydalarına riayət edilməklə, müəyyən edilmiş keyfiyyət standartlarına uyğun və vaxtında tamamlanmasının təmin edilməsi.
- Tikinti işlərinin aparılmasında texnoloji ardıcıllığa riayət olunmasına və müvafiq keyfiyyətin qorunmasına nəzarət edilməsi.
- İşlərin təşkilinin ardıcıllıqla aparılması və material sərfiyyatında normativdən kənarlaşmaların qarşısının alınması.
- Təyin edilmiş obyektdə tikinti-quraşdırma işləri planının işçi çertyojlara, iş icra layihəsinə, istehsalat planına və normativ sənədlərə uyğun həyata keçirilməsinin təmin edilməsi.
- Obyektdə fəaliyyət göstərən briqadaların, dəstələrin və ayrı-ayrı işçilərin təyin edilməsi; onlara istehsalat tapşırıqlarının verilməsi və iş üzrə təlimatın keçirilməsi.
- Tikinti istehsalının texnologiyası, təşkili, sahədə planlaşdırma prinsipləri və bu sahəyə aid metodik-normativ sənədlər haqqında yetərli biliyə sahib olmaq.
Vakansiya aktiv deyil, son elanlara aşağıdan keçid edin
