Kəlbəcər rayonunda fəaliyyət göstərən Söyüdlü qızıl yatağında tam iş rejimində çalışacaq peşəkar namizədlər axtarılır. Mədən sahəsində istehsalat proseslərinin idarə edilməsi, texniki planlaşdırma və sahə fəaliyyətinin təşkili bu vəzifənin əsas istiqamətlərini təşkil edir.
Vəzifə Öhdəlikləri
- İllik hasilat planlarının hazırlanması prosesinə rəhbərlik etmək;
- Təsdiq edilmiş istehsalat proqnozuna uyğun olaraq sahədə aparılan işlərə rəhbərlik etmək;
- Söyüdlü qızıl yatağının fəaliyyətini təşkil etmək, iş bölgüsünü həyata keçirmək və ümumi rəhbərliyi təmin etmək;
- Sahəyə həvalə olunmuş vəzifələrin yerinə yetirilməsi üçün hazırlanan iş planlarına, müvafiq sənədlərə və nəzərdə tutulmuş tədbirlərin icrasına nəzarət etmək;
- Söyüdlü qızıl yatağında işlərin təhlükəsiz və davamlı inkişaf prinsiplərinə uyğun aparılmasına rəhbərlik etmək;
- Mədən gəlirliliyinin artırılması, əməliyyat xərclərinin azaldılması və iş proseslərinin optimallaşdırılması istiqamətində təkliflər vermək və lazımi tədbirlərin görülməsini təmin etmək;
- Sahənin kommersiya baxımından texniki imkan və potensialını qiymətləndirmək;
- Sahə üzrə dağ-mədən işlərinin və əlaqəli texniki xidmət fəaliyyətlərinin idarə edilməsində fəal iştirak etmək;
- Mədənin istismar büdcəsinin formalaşdırılmasında iştirak etmək və bu prosesə nəzarət etmək;
- Filiz ayırma sistemlərinin planlaşdırılmasını həyata keçirmək və fəaliyyət planına uyğun icrasını təşkil etmək;
- İstehsalat sahələrində xidmət göstərən podratçı və subpodratçı təşkilatların fəaliyyətinə nəzarət etmək;
- İstehsalat keyfiyyətinin artırılması məqsədilə nəzarət əməliyyatlarının avtomatlaşdırılmasını nəzərdə tutan daha təsirli metodların tətbiqini təklif etmək.
Tələb Olunan Bilik və Bacarıqlar
- Korporativ mühitdə effektiv ünsiyyət qurmaq, əməkdaşlıq etmək, məsuliyyətli yanaşmaq, davamlı inkişafa açıq olmaq, nəticə yönümlü düşünmək, təşəbbüs göstərmək və çevik olmaq bacarığı;
- Müasir proqram təminatları ilə işləmə bacarığı: AutoCAD, Plaxis, Rocscience və GIS platformaları üzrə praktiki biliklər.
Təhsil və İş Təcrübəsi
- Geologiya, dağ-mədən mühəndisliyi və ya metallurgiya mühəndisliyi sahəsində ali təhsil (bakalavr və ya magistr dərəcəsi);
- Müvafiq sahədə minimum 3 il iş təcrübəsi.
İş Qrafiki
- İş yeri: Kəlbəcər rayonu
- İş növü: Tam iş günü
- Həftə içi 5 gün, saat 08:00 – 17:00 (həftəlik iş saatı 40 saatı aşmamaq şərtilə);
- Nahar fasiləsi: 12:00 – 13:00.
Əmək Haqqı və Əlavə İmtiyazlar
- Əmək haqqı daxili prosedur və dərəcələndirmə sisteminə əsasən müəyyənləşdirilir;
- Beynəlxalq və yerli təlimlərdə, eləcə də konfranslarda iştirak imkanı;
- Müəyyən idman mərkəzlərindən limitsiz istifadə hüququ;
- Nəqliyyat xidməti;
- Rəqabətli mükafatlandırma sistemi.
Vakansiya aktiv deyil, son elanlara aşağıdan keçid edin
