Şirkət təyin olunmuş tikinti layihələri üzrə hazırlıq, tikinti-quraşdırma, bərpa, təmir, sazlama və istismara təhvil proseslərinin layihə sənədlərinə, keyfiyyət və kəmiyyət göstəricilərinə, eləcə də şəhərsalma və tikinti sahəsində qüvvədə olan normativ tələblərə uyğun təşkil və icrasını təmin edəcək inşaat mühəndisi axtarır.
Vəzifə öhdəlikləri
- Təhkim olunmuş layihələrdə bütün işlərin təsdiq edilmiş layihə, smeta və normativ sənədlərə uyğun şəkildə icrasına nəzarət etmək.
- Layihələrin hazırlıq mərhələsində aparılan müayinə, mühəndis-axtarış və planlama işlərində iştirak etmək, metodoloji yanaşmaların və icra üsullarının hazırlanmasına töhfə vermək.
- Tələb olunan sənədləri hazırlamaq və hesabatların tərtibi üçün zəruri məlumatları təqdim etmək.
- Tikintiyə başlamaq üçün tələb edilən sənədlərin tam və düzgün olmasını yoxlamaq, çatışmazlıq olduqda müvafiq tədbirlərin görülməsini təmin etmək.
- Tikinti sahəsində görüləcək işlər üzrə hazırlıq prosesini təşkil etmək, hazırlıq işlərinin icrasına və vaxt qrafikinə nəzarət etmək.
- Sahə mühəndislərinin və aidiyyəti üzrə mütəxəssislərin fəaliyyətini yönləndirmək, tapşırıqları bölüşdürmək və iş prosesini əlaqələndirmək.
- Layihədə müqavilə əsasında çalışan podratçıların işini koordinasiya etmək və tamamlanmış işləri qəbul etmək.
- Görülən işlərlə bağlı jurnalları, texniki icra sənədlərini və üstü örtülü işlər üzrə aktları hazırlamaq.
- Tikinti sahəsində yerinə yetirilən işlərə daimi nəzarət etmək, hissə-hissə və yekun qəbul prosesində iştirak etmək.
- Hazır bina və qurğuların təhvil-təslim mərhələsində, eləcə də obyektlərin mərhələli şəkildə sifarişçiyə təqdim olunmasında iştirak etmək.
- Tikinti layihələrinin təqvim planına əməl edilməsinə, işlərin həcm, müddət və keyfiyyət baxımından müəyyən olunmuş tələblərə uyğunluğuna nəzarət etmək.
- İstifadə olunan materialların, avadanlıqların və konstruksiyaların təsdiqlənmiş layihə-smeta sənədlərinə, işçi cizgilərinə və tikinti norma və standartlarına uyğunluğunu yoxlamaq.
- İşlərin texnoloji ardıcıllıqla, düzgün icra üsulları ilə və normativ sənədlərin tələblərinə əsasən aparılmasını təmin etmək.
- Şəhərsalma və tikinti qanunvericiliyinə uyğun tələb olunan sənədləri hazırlamaq və digər tərəflər tərəfindən təqdim edilməli sənədlərin tərtibinə nəzarət etmək.
- Aşkarlanmış qüsurların aradan qaldırılmasını təmin etmək və zəruri tədbirlərin görülməsini izləmək.
- İşlərdə gecikmə və keyfiyyət azalmasının səbəblərini təhlil edərək qabaqlayıcı tədbirlər görmək.
- Yerinə yetirilmiş işlərin qeydiyyatını aparmaq və müvafiq hesabatlar üçün məlumat təqdim etmək.
- Xidməti vəzifələri vaxtında və dəqiq yerinə yetirmək, təşəbbüskar yanaşma nümayiş etdirmək və peşəkar bilikləri davamlı inkişaf etdirmək.
- Azərbaycan Respublikasının qanunvericiliyinə, normativ-hüquqi aktlara, eləcə də şirkətdə tətbiq olunan yerli və beynəlxalq standartlara riayət etmək.
- Şirkətin enerji resurslarından səmərəli istifadə etmək, əlavə enerji itkisinə səbəb olan hallar barədə məlumat vermək.
- Rəhbərlik tərəfindən verilən digər oxşar tapşırıqları yerinə yetirmək.
Tələblər
- İnşaat mühəndisliyi ixtisası üzrə ali təhsil.
- Tikinti layihələrinin idarə olunması sahəsində minimum 7 il iş təcrübəsi.
- Azərbaycan dilini səlis bilmək, ingilis dili üzrə yaxşı səviyyə, rus dili biliyi arzuolunandır.
- Tikinti normaları, layihə idarəetməsi və sahə
Vakansiya aktiv deyil, son elanlara aşağıdan keçid edin
