Satınalma sahəsində təcrübəniz varsa və ERP sistemləri ilə e-procure platformaları üzərində işləmək sizə tanışdırsa, bu Satınalma Mütəxəssisi vakansiyası diqqətinizi çəkə bilər. Vəzifə, satınalma prosesinin başdan sona idarə edilməsini, təchizatçılarla əlaqələrin aparılmasını və müvafiq sənədləşmənin tam və dəqiq şəkildə yerinə yetirilməsini əhatə edir.
Vəzifə Öhdəlikləri
- Daxili ERP sistem üzərindən daxil olan satınalma müraciətlərinin təhlil edilməsi və təsdiqlənməsi
- Sifarişlər üzrə texniki və spesifikasiya məlumatlarının müvafiq strukturlarla birlikdə dəqiqləşdirilməsi
- Tədarükçülərə e-mail vasitəsilə (0–5000 AZN həcmindəki sifarişlər üçün) və e-procure platforması üzərindən (5000 AZN-dən yuxarı sifarişlər üçün) sorğuların göndərilməsi və icrasına nəzarət edilməsi
- Yeni təchizatçıların araşdırılması zamanı tələb olunan sənədlərin (Nizamnamə, Çıxarış, VÖEN, imza səlahiyyətini təsdiq edən sənəd, portfolio və s.) toplanması; e-procure platformasında qeydiyyat üçün məlumat məktubunun göndərilməsi
- Seçilmiş yeni təchizatçıların qiymət təkliflərinin daxili ERP sisteminin xidmət sifarişi moduluna yüklənməsi (e-mail və e-procure kanalları üzrə daxil olan təkliflər əsasında)
- Daxil olan təkliflərin dəyərləndirilməsi prosesinin aparılması
- Təchizatçı ilə mövcud müqavilənin statusunun yoxlanılması; müqavilə olmadığı və ya müddəti bitdiyi hallarda təchizatçıya müraciət edilərək sənədləşmə işlərinin başladılması
- Müqavilə, QRP, təhvil-təslim aktları və digər əlavə sənədlərin hazırlanması, razılaşdırılması və hüquq departamenti tərəfindən yoxlanılmasının təmin edilməsi
- Təchizatçı tərəfindən ESD-yə yüklənmiş sənədlərin yoxlanılması, təsdiqlənməsi və prosesin sonuna qədər izlənməsi
- Korporativ kart vasitəsilə həyata keçirilən sifarişlərin icra edilməsi
- Satın alınmış malların müəyyən edilmiş müddətdə anbara təhvil verilməsinə nəzarət edilməsi
- Korporativ mobil və ASAN nömrələrinin təmin edilməsi prosesinin aparılması; danışıq xərclərinin daxili ERP sisteminə yüklənməsi
- Əsas vəsaitlərin və nəqliyyat vasitələrinin satışa çıxarılması ilə bağlı müvafiq prosedura uyğun tədbirlərin görülməsi
- Satınalma prosesi çərçivəsində təchizatçılarla görüşlərin təşkil edilməsi və aparılması
- Bütün satınalma fəaliyyətlərində Qrupun siyasət və prinsiplərinə uyğun davranılmasının təmin edilməsi
- Qrupdaxili satınalma strategiyası və siyasətinin tüm satınalma proseslərinə tətbiq edilməsi
- Satınalma prosesinin təkmilləşdirilməsinə yönelik yeni təkliflərin rəhbərliyə çatdırılması
- Fəaliyyət zamanı əməliyyat riski və ya insident aşkar edildikdə, daxili normativ sənədlərə uyğun olaraq müəyyən edilmiş qaydada və müddətdə əlaqəli strukturun məlumatlandırılması
Namizədə Tələblər
- İş təcrübəsi: Satınalma sahəsində 5 ilədək təcrübə
- Təhsil: İstənilən ixtisas üzrə bakalavr dərəcəsi
- Dil bilikləri: Azərbaycan dili – əla; İngilis dili – əla
- Kompüter bilikləri: MS Office – əla səviyyədə
- Fərdi keyfiyyətlər: Nəticəyönümlülük, müştəri yönümlülük, inam yaratma bacarığı, komanda işinə uyğunluq, əməkdaşlıq və keyfiyyətyönümlülük, məlumat əldə etmə, problem həll etmə, analitik düşüncə
Təklif Edilənlər
- Əməkdaş və ailə üzvlərini əhatə edən geniş tibbi sığorta paketi
- Kritik xəstəliklərə qarşı təminat təqdim edən korporativ həyat sığortası
- Fərdi inkişaf planı çərçivəsində təlim imkanları
- Ödənişsiz dayanacaq imkanı
- “Dəyərlisən” platforması vasitəsilə müxtəlif güzəşt və endirimlər
- İdman və sağlamlıq xidmətlərindən yararlanma imkanı
Qeyd: Yalnız ilkin seçim meyarlarına cavab verən namizədlərlə əlaqə saxlanılacaqdır.
Vakansiya aktiv deyil, son elanlara aşağıdan keçid edin
