“AzərYem Sənaye MMC” satınalma proseslərini idarə edəcək Satınalma üzrə aparıcı mütəxəssis axtarır. Vakansiya Xırdalan üzrədir və Balakən istiqamətinə mütəmadi ezamiyyətlər nəzərdə tutulur.
Təsvir
Bu vəzifə təchizat zəncirinin fasiləsizliyini qorumaq, satınalma xərclərini səmərəli idarə etmək və məhsul keyfiyyətini təmin etmək üçün strateji yanaşma tələb edir. Satınalma üzrə aparıcı mütəxəssis təchizatçı seçimi, müqavilə prosesləri, xərc analizi və istehsalat planına uyğun ehtiyacların qarşılanması istiqamətində fəaliyyət göstərəcək.
Əsas Vəzifə Öhdəlikləri
- Təchizatçıların araşdırılması və qiymətləndirilməsi: Mümkün təchizatçıları müəyyənləşdirmək, onların keyfiyyət, qiymət və etibarlılıq tələblərinə uyğunluğunu yoxlamaq.
- Danışıqların aparılması: Şirkət üçün ən uyğun şərtləri əldə etmək məqsədilə satınalma müqavilələri və razılaşmalar üzrə danışıqlar aparmaq.
- Satınalma əməliyyatları: Lazımi mal və xidmətlər üzrə purchase orders hazırlamaq, qiymət sorğuları göndərmək və əməliyyatların icrasını təmin etmək.
- Müqavilələrin idarəedilməsi: Yerli və xarici təchizatçılarla bağlanmış müqavilələri izləmək, icra göstəricilərini nəzarətdə saxlamaq və razılaşmaların şirkət siyasətinə, eləcə də qanunvericiliyə uyğunluğunu təmin etmək.
- Xərclərin təhlili: Təchizat ehtiyaclarını analiz etmək və keyfiyyətdən güzəşt etmədən xərclərin optimallaşdırılması imkanlarını araşdırmaq.
- Təchizatçılarla münasibətlərin idarə olunması: Təchizat zəncirinin davamlılığı və yaranan məsələlərin çevik həlli üçün təchizatçılarla işgüzar əməkdaşlığı qorumaq.
- Uyğunluq və inzibatçılıq: Bütün satınalma fəaliyyətlərinin daxili qaydalara, hüquqi tələblərə və korporativ etik prinsiplərə uyğun aparılmasına nəzarət etmək.
- Planlaşdırma: İstehsalat planına əsaslanaraq xammal və material təminatını vaxtında və dəqiq şəkildə planlaşdırmaq.
Namizədə dair tələblər
- Təhsil: Biznesin idarə edilməsi, iqtisadiyyat və ya əlaqəli sahələr üzrə bakalavr dərəcəsi.
- Təcrübə: Satınalma, təchizat və təchizatçıların idarə edilməsi sahəsində müvafiq iş təcrübəsi.
- Peşəkar bacarıqlar: Güclü danışıqlar aparmaq, ünsiyyət qurmaq, analitik düşünmək və mürəkkəb məsələləri həll etmək bacarığı.
- Texniki biliklər: MS Office proqramlarında və uyğun satınalma (ERP) proqram təminatlarında sərbəst işləmək bacarığı.
- Vakansiya növü: Tam ştat.
İmtiyazlar
- Mobil nömrə
- Paşa Loyalty proqramı “Dəyərlisən”
- Tibbi sığorta
- Şirkət tərəfindən naharın təmin edilməsi
Maraqlanan namizədlər Müraciət et düyməsində göstərilən link vasitəsilə müraciət edə bilərlər.
